मुंबई - रामानंद सागरच्या रामायणमध्ये सीतेची भूमिका साकारणारी अभिनेत्री दीपिका चिखलियाने तिरुपती बालाजी मंदिराच्या भेटीदरम्यान आदिपुरुष दिग्दर्शक ओम राऊतने अभिनेत्री क्रिती सेनॉनच्या गालावर चुंबन घेतल्याच्या वादावर भाष्य केले आहे. याबद्दल दीपिकाने आपली नाराजी व्यक्त केली आणि म्हटले की, क्रितीने कदाचित स्वतःला सीता समजले नसेल. आदिपुरुष या आगामी चित्रपटात क्रिती जानकीच्या भूमिकेत दिसणार आहे.
या घटनेबद्दल बोलताना दीपिका म्हणाली, 'क्रिती ही आजच्या पिढीची अभिनेत्री आहे. चुंबन घेणे आणि मिठी मारणे हे आता गोड हावभाव म्हणून पाहिले जात आहे. तिने स्वत:ला सीता मानले नसावे आणि ते भावनिक समस्येत बदलते. मी सीता म्हणून जगले तेव्हा मी ही भूमिका करत होते पण आजकालचे कलाकार फक्त हे एक पात्र समजतात. चित्रपट संपल्यानंतर त्यांना काही फरक पडत नाही.'
1980 च्या दशकात जेव्हा रामायण प्रसारित झाले त्याबद्दल दीपिका म्हणाली, कोणीही कलाकारांना त्यांच्या नावाने संबोधत नाही. ती म्हणाली, 'आम्ही सेटवर काम करत असताना लोक येऊन आमच्या पायाला हात लावत असत. तो काळ वेगळा होता. तेव्हा आम्हाला कलाकार म्हणून नाही, तर लोक देव म्हणून पाहत होते. आम्ही कुणालाही मिठी मारू शकत नव्हतो, आणि चुंबन घेणे हा प्रश्नच नव्हता. आदिपुरुषचे कलाकार चित्रपट प्रदर्शित झाल्यानंतर त्यांच्या पुढील प्रोजेक्टमध्ये व्यस्त होतील आणि त्यांच्या पात्रांना विसरतील, परंतु आमच्यासोबत असे कधीच घडले नाही.'
ती पुढे म्हणाली, 'त्यांनी ईम्हाला असे वागवले की आम्ही देव आहोत जे या जगात राहायला आलो आहोत आणि म्हणूनच आम्ही कधीही कोणाच्या भावना दुखावतील असे काही केले नाही.' दरम्यान, प्रभास, क्रिती सेनॉन आणि सैफ अली खान यांच्या प्रमुख भूमिका असलेला आदिपुरुष हा चित्रपट १६ जून रोजी चित्रपटगृहात दाखल होणार आहे. रामायणावर आधारित असलेला हा नेत्रदिपक आणि भव्य पौराणिक चित्रपट आधुनिक तंत्राचा वापर करुन बनवण्यात आला आहे.
हेही वाचा
१. Bigg Boss Ott 2 : बिग बॉस ओटीटी 2चे गाणे रिलीज, रफ्तारसोबत थिरकला सलमान
२. Sr Ks Pathaan : शाहरुखचा पठाण रशियासह Cis मध्ये ३००० स्क्रिन्सवर झळकणार
३. Vignesh Shivan : विघ्नेश शिवनने लग्नाच्या पहिल्या वाढदिवसानिमित्त सोशल मीडियावर शेअर केले फोटो
