मुंबई - प्रसिद्ध चित्रपट निर्माता आणि होस्ट करण जोहर आज (25 मे) आपला 50 वा वाढदिवस साजरा करत आहे. या खास प्रसंगी करण जोहरने त्याच्या चाहत्यांना एक मोठी भेट दिली आहे. करण जोहरने त्याच्या वाढदिवसानिमित्त एक पोस्ट शेअर केली आहे. या पोस्टमध्ये करण जोहरने आलिया भट्ट आणि रणवीर सिंग यांची प्रमुख भूमिका असलेल्या 'रॉकी और रानी की प्रेम कहानी'च्या रिलीज डेटचा खुलासा केला आहे.
करण जोहरने त्याच्या अधिकृत इंस्टाग्राम अकाउंटवर एक मोठी पोस्ट शेअर केली आहे. यामध्ये त्याने आपल्या कारकिर्दीबद्दल आणि साहसाबद्दल अनेक गोष्टी लिहून चित्रपटाच्या प्रदर्शनाची तारीख उघड केली आहे.
- " class="align-text-top noRightClick twitterSection" data="
">
करणने लिहिले, मला एका गोष्टीवर विश्वास आहे की मला चित्रपट निर्माता बनण्याची खूप आवड आहे, मी काही काळ चित्रपटांपासून दूर आहे... मी रॉकी आणि रानी की प्रेम कहानी या चित्रपटाच्या प्रदर्शनाची तारीख जाहीर करत आहे... हा चित्रपट 10 फेब्रुवारी 2023 रोजी प्रदर्शित होईल.
काल रात्री करण जोहरने त्याच्या खास मित्रांसाठी घरी खास पार्टी ठेवली होती. या पार्टीत शाहरुख खानची पत्नी गौरी खानपासून प्रसिद्ध कोरिओग्राफर फराह खानपर्यंत सर्वांनी पार्टीत पोहोचून करणला वाढदिवसाच्या शुभेच्छा दिल्या.
काल रात्री उशिरापर्यंत बॉलिवूडचे अनेक सेलिब्रिटी करण जोहरच्या घरी पोहोचले आणि त्यांनी जल्लोष साजरा केला. यादरम्यान शाहरुख खानची पत्नी गौरी खान, फराह खानपासून मनीष मल्होत्रा आणि श्वेता बच्चनपर्यंत या सेलिब्रेशनमध्ये पोहोचले होते.
त्याचवेळी करण जोहरच्या घराच्या पार्किंगमध्ये सोनेरी फुग्यांची सजावट दिसली, ज्यावर 'हॅपी बर्थडे केजेओ' असे लिहिले होते. करणच्या 50व्या वाढदिवसाला गौरी खान काळ्या रंगाच्या पोशाखात पोहोचली होती.
फिल्म इंडस्ट्रीतील अनेक कलाकारांनी करण जोहरला वाढदिवसाच्या शुभेच्छा दिल्या आहेत, ज्यात मलायका अरोरा, सिद्धार्थ मल्होत्रा, जान्हवी कपूर आणि इतर अनेक सेलिब्रिटींचा समावेश आहे.
हेही वाचा - १७ वर्षे लिव्हिंग व दोन मुलांचे पालक झाल्यानंतर हंसल मेहतांनी केला अचानक विवाह
