मुंबई : सनी देओलचा 'गदर २' हा चित्रपट बॉक्स ऑफिसवर वादळ निर्माण करत आहे. रिलीज होताच सनी पाजीच्या चित्रपटाने धुमाकूळ घातला. आता हा चित्रपट ४०० कोटी क्लबच्या अगदी जवळ पोहोचला आहे. ११ ऑगस्ट रोजी प्रदर्शित झालेल्या 'गदर २'नं बॉक्स ऑफिसवर ११ दिवस पूर्ण केले आहेत. यासोबतच या चित्रपटाने चांगलीच कमाई बॉक्स ऑफिसवर केली आहे. हा चित्रपट रिलीजच्या ११व्या दिवशी देखील जबरदस्त कमाई करत आहे. दरम्यान आता 'गदर २'ने बाकी दिवसापेक्षा कमी कमाी केली आहे. तरीही या चित्रपटाने २१ ऑगस्ट रोजी देशभरात बॉक्स ऑफिसवर ११व्या दिवशी म्हणजेच सोमवारी १४ कोटीची कमाई केली आहे. या चित्रपटाच्या दुसऱ्या वीकेंडच्या कलेक्शनबद्दल बोलायचे झाले तर 'गदर २'ने शुक्रवारी सुमारे २० कोटींचा व्यवसाय केला. तसेच शनिवारी ३१.०७ कोटी आणि रविवारी ३८.९० कोटी कमवले आहेत. यासह, 'गदर २'ने आत्तापर्यंत देशांतर्गत बॉक्स ऑफिसवर सुमारे ३८९.१० कलेक्शन केले आहे.
'गदर २'चे बॉक्स ऑफिस कलेक्शन
- १ दिवस - ४०.१० कोटी
- २ दिवस - ४३.०८ कोटी
- ३ दिवस - ५१.७० कोटी
- ४ दिवस - ३८.७० कोटी
- ५ दिवस - ५५.४० कोटी
- ६ दिवस - ३२.३७ कोटी
- ७ दिवस - २३.२८ कोटी
- ८ दिवस - २०.५० कोटी
- ९ दिवस - ३१.०७ कोटी
- १० दिवस - ३८.९० कोटी
- ११ दिवस - १४.०० कोटी
