मुंबई- Main tera rasta dekhunga Song out : अभिनेता शाहरुख खान स्टारर 2023 चा शेवटचा चित्रपट 'डंकी' बॉक्स ऑफिसवर प्रचंड कमाई करत आहे. हा चित्रपट 21 डिसेंबरला जगभरातील चित्रपटगृहांमध्ये प्रदर्शित झाला. या चित्रपटानं जगभरात 250 कोटींहून अधिक कमाई केली आहे. हा चित्रपट सध्या 'सालार' चित्रपटाला रुपेरी पडद्यावर टक्कर देत आहे. 'डंकी' चित्रपटानं देशांतर्गत 29.2 ओपनिंग केली. दरम्यानं आज 27 सप्टेंबर रोजी 'डंकी' चित्रपटातील 'मैं तेरा रास्ता देखूंगा' हे नवीन गाणं रिलीज करण्यात आलं आहे.
- " class="align-text-top noRightClick twitterSection" data="">
'डंकी'मधील नवीन गाणं रिलीज : 'मैं तेरा रास्ता देखूंगा' हे गाणं खूप सुंदर आहे, ज्यामध्ये शाहरुख खानच्या अटकेनंतर तापसी पन्नू रडताना दिसत आहे. 'मैं तेरा रास्ता देखूंगा' हे अमिताभ भट्टाचार्य यांनी लिहिलेलं गाणं, शादाब फरीदी आणि अल्तमास फरीदी बंधूंनी गायलं आहे. याशिवाय या गाण्याला प्रीतम यांनी संगीतबद्ध केलं आहे. 'डंकी'मधील हे गाणं 'किंग खान'च्या चाहत्यांना खूप आवडत आहे. 'डंकी' चित्रपटाला आज 27 डिसेंबर रोजी एक आठवडा पूर्ण होत आहे. हा चित्रपट जगभरात 300 कोटींच्या कलेक्शनच्या दिशेने वाटचाल करत असून देशांतर्गत बॉक्स ऑफिसवर या चित्रपटानं 140.20 कोटींची कमाई केली आहे. 'डंकी' चित्रपटाकडून शाहरुख खानला खूप अपेक्षा आहेत. या चित्रपटाचं दिग्दर्शन राजकुमार हिराणी यांनी केलं आहे.
'डंकी'ची एकूण कमाई
पहिला गुरुवार पहिला दिवस - 29.2 कोटी
पहिला शुक्रवार दुसरा दिवस - 20.12 कोटी
पहिला शनिवार तिसरा दिवस - 25.61 कोटी
पहिला रविवार चौथा दिवस - 30.7 कोटी
पहिला सोमवार पाचवा दिवस - 24.32 कोटी
पहिला मंगळवार सहावा दिवस - 10 कोटी
पहिला बुधवार सातवा दिवस 57 लाख
एकूण कलेक्शन - 140.52 कोटी
'डंकी'ची स्टार कास्ट : या चित्रपटामध्ये शाहरुख खान, विकी कौशल, तापसी पन्नू, बोमन इराणी, सतीश शहा हे कलाकार मुख्य भूमिकेत आहेत. 'किंग खान'चा क्रेझ हा सध्या खूप आहे, त्यामुळं हा चित्रपट प्रचंड कमाई करेल, असं सध्या दिसत आहे.
हेही वाचा :
