मुंबई - Dhoom 3 completes 10 years : हिंदी चित्रपटसृष्टीमधील 'धूम' फ्रँचायझीनं प्रेक्षकांचे खूप मनोरंजन केलं. 2004 मध्ये सुरू झालेल्या या फ्रँचायझीनं बॉक्स ऑफिसवर खूप धूम निर्माण केली. आजही 'धूम मचाले' हे गाणे दुचाकीस्वारांच्या ओठावर आहे. या फ्रँचायझीमध्ये तीन चित्रपट रुपेरी पडद्यावर येऊन गेले. या तिन्ही चित्रपटांनी बॉक्स ऑफिसवर धमाका केला. यशराज फिल्म्सच्या बॅनरखाली बनलेल्या 'धूम' फ्रँचायझीचा तिसरा भाग सर्वाधिक चर्चेत होता. या चित्रपटानं बॉक्स ऑफिसवर 250 कोटींहून अधिकचा व्यवसाय केला होता. विजय कृष्ण आचार्य दिग्दर्शित 'धूम 3'मध्ये अभिषेक बच्चन, कतरिना कैफ, आमिर खान आणि उदय चोप्रा हे कलाकार मुख्य भूमिकेत आहे. 20 डिसेंबर 2013 रोजी प्रदर्शित झालेल्या या चित्रपटाला आज 10 वर्ष पूर्ण होत आहे.
आमिर खाननं बॉक्स ऑफिसवर खळबळ उडवून दिली : 'धूम 3' हा पहिला सर्वाधिक कमाई करणारा चित्रपट ठरला. सॅकनिल्कच्या रिपोर्टनुसार या चित्रपटानं जगभरात 558 कोटीचा व्यवसाय केला. देशांतर्गत या चित्रपटानं 284.27 कोटींची कमाई केली होती. कतरिना कैफच्या कारकिर्दीतील हा पहिला ब्लॉकबस्टर चित्रपट होता. 'धूम 3'चे शूटिंग सुरुवातीला मुंबईत होणार होते, पण नंतर या च चित्रपटाचं शूटिंग शिकागोमध्ये झालं. हा चित्रपट मोठ्या बजेटमध्ये बनलेल्या चित्रपटांपैकी एक आहे. 'धूम 3' बनवण्यासाठी जवळपास 175 कोटी रुपये खर्च करण्यात आला होता.
