मुंबई - Chandramukhi 2 Trailer : कंगना रणौत सध्या तिच्या आगामी 'चंद्रमुखी 2' चित्रपटामुळे प्रसिद्धीझोतात आहे. 'चंद्रमुखी 2' हा चित्रपट 15 सप्टेंबर रोजी रूपेरी पडद्यावर प्रदर्शित होणार आहे. या चित्रपटाचे दिग्दर्शन पी वासू यांनी केले आहे. या चित्रपटाद्वारे कंगना रणौतने साऊथ चित्रपटसृष्टीत पदार्पण केले आहे. 'चंद्रमुखी 2'मध्ये राघव लॉरेन्स हा कंगना रणौतसोबत स्क्रीन शेअर करताना दिसणार आहे. दरम्यान आता 'चंद्रमुखी 2'बाबत एक बातमी समोर आली आहे. 'चंद्रमुखी 2'चा ट्रेलर हा प्रदर्शित झाला आहे.
- " class="align-text-top noRightClick twitterSection" data="">
'चंद्रमुखी 2'चा ट्रेलर झाला रिलीज : 'चंद्रमुखी 2'चा ट्रेलर हा 2 मिनिट 48 सेंकदाचा आहे. या ट्रेलरने आता चाहत्यांमध्ये उत्सूकता वाढवली आहे. 'चंद्रमुखी 2'च्या ट्रेलरमध्ये राघव लॉरेन्स हा राजाच्या भूमिकेत दिसत आहे. याशिवाय कंगना नृत्य सादर करताना दिसत आहे. त्यानंतर अचानक ट्रेलरमध्ये भयानक दृष्य दाखवली गेली आहेत. या ट्रेलरमध्ये कंगानला खूप सुंदर दाखविल्या गेले आहे. याशिवाय तिचे भयानक रूप देखील ट्रेलरमध्ये पाहयला मिळत आहे. तसेच या चित्रपटामध्ये महिमा नंबियार , लक्ष्मी मेनन, रवी मारिया, राव रमेश, वडिवेलू, श्रुष्टि डांगे हे कलाकर दिसणार आहेत.