मुंबई - चित्रपट निर्माता अयान मुखर्जीचा महत्त्वाकांक्षी प्रोजेक्ट ( Ayan Mukerjis ambitious project ) ब्रह्मास्त्र ९ सप्टेंबर रोजी मोठ्या पडद्यावर दाखल झाला. रणबीर कपूर आणि आलिया भट्ट ( Ranbir Kapoor and Alia Bhatt ) यांच्या प्रमुख भूमिका असलेल्या या चित्रपटाने धमाकेदार सुरुवात केली आहे. ब्रह्मास्त्रने सुट्टीच्या दिवशी रिलीज होऊन सुमारे 35-36 कोटी रुपयांच्या कलेक्शनसह RRR ओपनिंग डे नंबरला मागे टाकले.
ब्रह्मास्त्रला उत्तम रिव्ह्यू मिळाले नाहीत पण पहिल्या दिवशी बॉक्स ऑफिसवर या चित्रपटाने चांगली कामगिरी केली असे दिसते. जगभरात ८,९१३ स्क्रीन्सवर प्रदर्शित झालेला हा चित्रपट (भारतात ५,०१९ स्क्रीन, ३,८९४+ परदेशात) प्रदर्शित झाला आहे. पहिल्या दिवशी चित्रपटाने 36.50 ते 38.50 कोटी कमावले आहेत.
ट्रेड वेबसाइट BoxOfficeIndia.com ने ब्रह्मास्त्र डे 1 व्यवसाय शेअर केला आहे. त्यानुसार, चित्रपटाने ओपनिंग डेवर जवळपास 35-36 कोटींची कमाई केली आहे. या चित्रपटाने रणबीरच्या आतापर्यंतच्या सर्वात जास्त ओपनिंगच्या पहिल्या दिवसाचे आकडे देखील मागे टाकले आहेत. संजूने 34.75 कोटी रुपये कमवले होते.
ब्रह्मास्त्र चित्रपटात स्पार्कचा अभाव असल्याचे म्हटले जाते. या चित्रपटाच्या कलेक्शनसाठी पहिला शनिवार व रविवार महत्त्वपूर्ण असेल. 410 कोटींच्या बजेटमध्ये बनलेला ब्रह्मास्त्र हा हिंदी चित्रपटसृष्टीतील आतापर्यंतचा सर्वात महागडा चित्रपट आहे. हा विक्रम यापूर्वी ठग्स ऑफ हिंदोस्तानच्या नावावर होता, ज्याची निर्मिती यशराज फिल्म्सने 310 कोटी रुपयांच्या भव्य बजेटमध्ये केली होती.
ब्रह्मास्त्रला सोशल मीडियावरही जोरदार टीका झाली. लाल सिंग चड्ढा, लायगर आणि रक्षाबंधन यांसारख्या चित्रपटांना त्रासदायक ठरल्यानंतर, रणबीर-आलिया स्टारर ब्रह्मास्त्रच्या रिलीजपूर्वी ट्रोल आणि बहिष्काराचा ट्रेंड परत आला होता.
ब्रह्मास्त्र भाग एक: शिवा हा चित्रपट स्टार स्टुडिओ, धर्मा प्रॉडक्शन, प्राइम फोकस आणि स्टारलाईट पिक्चर्स यांची संयुक्त निर्मिती आहे.
हेही वाचा - राणी एलिझाबेथने कमल हासनच्या चित्रपटाच्या सेटला भेट दिली होती हे तुम्हाला माहितीय?
