मुंबई - मराठी अभिनेत्री भाग्यश्री मिलिंद आगामी थ्रिलर वेब सिरीज 'अथांग' मध्ये काम करणार आहे ज्यामध्ये निवेदिता जोशी सराफ, धैर्य, उर्मिला कोठारे आणि संदिप खरे देखील आहेत.
याबद्दल बोलताना भाग्यश्रीने एका निवेदनात म्हटले आहे: "मी या मालिकेसाठी खूप उत्सुक आहे कारण ती प्रेक्षकांना नक्कीच एका रोमांचकारी राइडवर घेऊन जाणार आहे. अशा कथेचा भाग बनणे खूप छान वाटते. डिजीटल जगाची ताकद दाखवत जगातील प्रेक्षकापर्यंत पोहोचताना खूप चांगले वाटत आहे.''
'बालक पालक', '३५ टक्के काटावर पास' आणि 'उबंटू' यांसारखे मराठी चित्रपट केलेल्या या अभिनेत्रीने एका मराठी हॉरर-थ्रिलर मालिकेतून तिच्या ओटीटी पदार्पणाबद्दल उत्साह व्यक्त केला. या मालिकेची कथा एका तरुणाभोवती फिरत आहे.
ती पुढे म्हणाली: "कलाकार असणं आणि ज्या शैलीचा कमी शोध घेतला गेला आहे, त्याचा भाग बनणे हीच मोठी गोष्ट आहे. मराठी OTT क्षेत्रातील ही माझी पहिलीच मालिका आहे.
निर्माती आणि अभिनेत्री तेजस्विनी पंडित यांनीही या मालिकेचा एक भाग असल्याबद्दल खुलासा केला आणि म्हणाली: "आमच्या उद्योगाला धाडसी कथांची गरज आहे. एका अभिनव संकल्पनेला पाठिंबा देणे आणि (बर्दापूरकर) यांच्याशी केवळ एक अभिनेत्री म्हणून नव्हे तर एक कलाकार आणि आता निर्माती म्हणून जोडले जाणे हा रोमांचकारी अनुभव आहे."
'लव्ह लग्न लोचा' आणि 'भेटली ती पुन्हा 2' या चित्रपटांसाठी प्रसिद्ध असलेल्या जयंत पवार यांनी या मालिकेचे दिग्दर्शन केले आहे.
हेही वाचा - Zee Talkies Comedy Award: 'केळेवाली' सोनाली कुलकर्णी लावणार ठुमके, बघा कॉमेडी अवॉर्ड
