Dream Girl 2 Box Office Collection day 10 : आयुष्मान खुरानाचा 'ड्रीम गर्ल 2' रूपेरी पडद्यावर पैसे छाप आहे. 'ड्रीम गर्ल 2' हा चित्रपट चाहत्यांना खूप आवडला आहे. या चित्रपटाने बॉक्स ऑफिसवर 4 दिवसात 50 कोटीचा टप्पा ओलांडला होता. 'गदर 2' आणि 'ओएमजी 2' हे मोठे चित्रपट रूपेरी पडद्यावर राज्य करत असताना देखील 'ड्रीम गर्ल 2' चांगली कमाई करत आहे. हा चित्रपट लकरच 100 कोटीच्या क्लबमध्ये प्रवेश करेल असे सध्या दिसत आहे. आता देखील 'ड्रीम गर्ल 2' चित्रपट पाहण्यासाठी चित्रपटगृहांमध्ये प्रेक्षकांची गर्दी होत आहे.
'ड्रीम गर्ल 2'चे बॉक्स ऑफिस एकूण कलेक्शन : सॅकनिल्क रिपोर्टनुसार 'ड्रीम गर्ल 2' ने रिलीजच्या 8 व्या दिवशी 4.7 कोटींचा व्यवसाय केला होता, 9व्या दिवशी या चित्रपटाने 6 कोटींचा व्यवसाय केला आहे. यासह या चित्रपटाचे एकूण कलेक्शन 77.70 कोटी रुपये झाले आहे. याशिवाय 'ड्रीम गर्ल 2' हा चित्रपट 10व्या दिवशी 6.71 कोटीची कमाई करू शकेल. यासोबत या चित्रपटाचे एकूण कलेक्शन 84.73 होईल. आयुष्मान खुरानाचा चित्रपट 'ड्रीम गर्ल 2' रिलीजच्या पहिल्या दिवसापासून बॉक्स ऑफिसवर धुमाकूळ घालत आहे.
'ड्रीम गर्ल' चित्रपट : 'ड्रीम गर्ल 2' हा 2019 मध्ये आलेल्या 'ड्रीम गर्ल' चित्रपटाचा सीक्वल आहे ज्यामध्ये आयुष्मानने 'पूजा'च्या आवाजाने चाहत्यांची मनं जिंकली होती. आता 'ड्रीम गर्ल 2'मध्ये 'पूजा'च्या अवतारात आयुष्मान प्रेक्षकांना वेड लावत आहे. 'ड्रीम गर्ल'मध्ये आयुष्मानसोबत नुसरत भरुचाने मुख्य भूमिका साकारली होती, आता तिच्या जागी तिच्या सीक्वलमध्ये अनन्या पांडे घेतली आहे. अनन्या आणि आयुष्मान हे पहिल्यांदाच मोठ्या पडद्यावर एकत्र रोमान्स करताना दिसत आहेत. या चित्रपटाची निर्मिती 35 कोटीमध्ये झाली आहे. 'ड्रीम गर्ल 2' ने चित्रपटाच्या बजेटपेक्षा जास्त कमाई केली आहे, त्यामुळे हा चित्रपट बॉक्स ऑफिसवर हिट झाला आहे.
हेही वाचा :
- Rakhi Sawant On Religion : आदिल खान दुर्रानी आणि राखी सावंतच्या वादावर अर्शी खानची खास मुलाखत...
- Rubina Dilaik Pregnancy Confirms : रुबिना दिलैक आणि अभिनव शुक्लाच्या घरी होणार नव्या पाहुण्याचे आगमन?
- Subhash Ghai recalls Shikhar : शाहरुखसह शिखर चित्रपटाचा केला होता मुहूर्त, सुभाष घईंनी सांगितला न बनलेल्या सिनेमाचा किस्सा
