पृथ्वीराजच्या स्पेशल स्क्रीनिंगला उपस्थित राहणार अमित शाह

अक्षय कुमारची मुख्य भूमिका असलेला 'पृथ्वीराज' हा चित्रपट गृहमंत्री अमित शहा यांना दाखवण्यात येणार आहे. यासाठी चित्रपट निर्मात्यांनी खास स्क्रीनिंग ठेवले आहे.

मुंबई - 3 जून रोजी अक्षय कुमार आणि मिस वर्ल्ड (2017) मानुषी छिल्लरचा पहिला चित्रपट पृथ्वीराज प्रदर्शित होत आहे. चित्रपट रिलीज होण्याआधीच एक मोठी बातमी समोर आली आहे. वास्तविक, देशाचे गृहमंत्री अमित शाह हा चित्रपट पाहणार आहेत. त्याची माहिती चित्रपटाचे दिग्दर्शक चंद्रप्रकाश द्विवेदी यांनी दिली आहे. 1 जून रोजी गृहमंत्र्यांसाठी चित्रपटाचे प्रदर्शन ठेवण्यात आल्याचे दिग्दर्शकाने सांगितले आहे. या चित्रपटात अक्षय कुमार सम्राट पृथ्वीराजच्या भूमिकेत दिसणार आहे.

चित्रपट निर्मात्याने एका निवेदनात म्हटले आहे की, 'आमच्यासाठी सन्मानाची बाब आहे की माननीय गृहमंत्री अमित शाह जी देशाच्या इतिहासातील सर्वात शूर अमर पुत्र सम्राट पृथ्वीराज चौहान यांच्या गौरवशाली जीवनावरील चित्रपट पाहणार आहेत.

गृहमंत्री अमित शहा यांच्यासाठी 'पृथ्वीराज' चित्रपटाचे स्क्रिनिंग कुठे ठेवण्यात आले आहे, याबाबत सध्या कोणतीही माहिती समोर आलेली नाही. 'पृथ्वीराज' चित्रपटाचे दिग्दर्शक चंद्रप्रकाश द्विवेदी हे 1991 मध्ये प्रसारित झालेला टीव्ही शो 'चाणक्य' आणि फाळणीवर आधारित 'पिंजर' (2003) या चित्रपटाचे दिग्दर्शक म्हणून प्रसिद्ध आहेत.

'पृथ्वीराज' चित्रपटावरुन वाद - 'पृथ्वीराज' चित्रपटाच्या प्रदर्शनासाठी एक आठवडा शिल्लक आहे आणि तो वादाच्या भोवऱ्यात अडकला आहे. खरे तर राजस्थानमधील गुज्जर समाजाने 'पृथ्वीराज'चे प्रदर्शन रोखण्याची धमकी दिली होती आणि आता करणी सेना या चित्रपटाला विरोध करत आहे.

अक्षय कुमारच्या चित्रपटाचे शीर्षक बदलण्याची जोरदार मागणी करणी सेनेने केली आहे. चित्रपटाचे नाव 'पृथ्वीराज' वरून बदलून 'सम्राट पृथ्वीराज चौहान' करण्याची मागणी करणी सेनेने केली आहे.

हेही वाचा - Karan Johar Birthday : करण जोहरच्या बर्थडे पार्टीत फराह, गौरी खानसह दिग्गज सेलेब्रिटींची हजेरी