Adipurush trailer out: प्रभासचे दमदार संवाद, क्रितीचा सोज्वळ लुक, तर सैफची फक्त एक झलक!

दिग्दर्शक ओम राऊत यांचा रामायणावर आधारित आदिपुरुष हा चित्रपट १६ जून २०२३ रोजी जगभरातील चित्रपटगृहात दाखल होणार आहे. या चित्रपटाचा बहुप्रतिक्षित ट्रेलर अखेर ९ मे रोजी प्रदर्शित झाला.

मुंबई - खूप काळापासून ज्या चित्रपटाच्या ट्रेलरची प्रेक्षक वाट पाहात होते त्या आदिपुरुषचा बहुप्रतिक्षित ट्रेलर अखेर ९ मे रोजी प्रदर्शित झाला. ओम राऊत दिग्दर्शित आदिपुरुष हे महाकाव्य रामायणावर आधारित एक पौराणिक नाट्यमय चित्रपट आहे. यात सुपरस्टार प्रभासने राघवची भूमिका केली आहे, तर क्रिती सेनॉनने जानकीची भूमिका केली आहे, तर या चित्रपटात सनी सिंगने लक्ष्मणाची भूमिका साकारली आहे. पवनपुत्र हनुमानाची भूमिका मराठमोळा अभिनेता देवदत्त नागे साकारत आहे. जय मल्हार चित्रपटात त्याने खंडोबाची भूमिका केल्यानंतर त्याची लोकप्रियता अफाट वाढली होती. वीर हनुमान साकारताना पाहणे हे निश्चितच प्रेक्षकांसाठी आनंददायी असणार आहे.

• " class="align-text-top noRightClick twitterSection" data="">

आदिपुरुषचा ट्रेलर ७० देशात रिलीज - अभिनेता सैफ अली खान चित्रपटात लंकेशची भूमिका साकारतो आहे. आदिपुरुष ट्रेलर केवळ भारतातच नाही तर कॅनडा, ऑस्ट्रेलिया, अमेरिका, युनायटेड किंगडम, मलेशिया, न्यूझीलंड, सिंगापूर, रशिया, इजिप्त आणि इतर ७० देशांमध्ये रिलीज झाला आहे. गुरुवारी इंस्टाग्रामवर मुख्य कलाकारांनी त्यांच्या संबंधित सोशल मीडिया हँडलवर ट्रेलर शेअर केला.