''महिलांसाठी मुंबई दिल्लीपेक्षा अधिक सुरक्षित'' - सान्या मल्होत्रा

सान्या मल्होत्रा ​​ही दिल्लीची असली तरी तिला राष्ट्रीय राजधानी मुंबईच्या तुलनेत खूपच असुरक्षित वाटते. हिट द फर्स्ट केस या चित्रपटाच्या प्रमोशन दरम्यान तिने दिलेल्या एका मुलाखतीत हे सांगितले आहे.

मुंबई - राजकुमार राव ( Rajkummar Rao ) आणि सान्या मल्होत्रा ​​( Sanya Malhotra ) यांच्या प्रमुख भूमिका असलेला HIT - द फर्स्ट केस ( HIT - The First Case ) हा चित्रपट अलिकडेच रिलीज झाला आहे. हा चित्रपट मूळ तेलुगु भाषेतील याच नावाच्या चित्रपटाचा हिंदी रिमेक आहे. या चित्रपटाचे कथानक तेलंगणा राज्याच्या होमिसाईड इंटरव्हेन्शन टीम (एचआयटी) चे पोलीस अधिकारी विक्रम जयसिंग (राजकुमार यांनी साकारले आहे), याला एका तरुण मुलगीच्या हरवलेल्या प्रकरणाची चौकशी करण्याचे काम दिले जाते यावर आधारित आहे. या चित्रपटाच्या प्रमोशन दरम्यान सान्या मल्होत्राने मुंबईच्या तुलनेत दिल्ली अधिक असुरक्षित का वाटते याचा खुलासा केला आहे.

• " class="align-text-top noRightClick twitterSection" data="">

दिल्लीमध्ये महिला सुरक्षित नाहीत अशी चर्चा बऱ्याचदा होत असते. सान्या ही दिल्लीची रहिवासी आहे. तिला दिल्ली किती सुरक्षित वाटते असा प्रश्न मुलाखतीत विचारण्यात आला होता.

दिल्लीच्या तुलनेत मुंबई सुरक्षित - सान्या मल्होत्रा ​​ही दिल्लीची असली तरी तिला राष्ट्रीय राजधानी मुंबईच्या तुलनेत खूपच असुरक्षित वाटते. अभिनेत्री म्हणाली, "मी दिल्लीची आहे आणि मी दिल्लीपेक्षा मुंबईला प्राधान्य देण्याचे एक चांगले कारण आहे. मला मुंबईत अधिक सुरक्षित वाटते. दिल्लीत सुधारणा झाली आहे की नाही हे मला माहीत नाही, पण मला तिथे सुरक्षित वाटत नाही. त्याचे कारणही सांगू शकत नाही. मला वाटत नाही की दिल्लीत अशी एकही महिला नसेल जिने छेडछाडीचा सामना केला नाही."

यावर राजकुमार राव पुढे म्हणाला, "हे सर्वत्र घडताना दिसतं. महिलांची छेडछाड हा गंभीर मुद्दा आहे. अगदी महिलांना निरखून पाहणे हे देखील छेछाड करण्यासारखेच आहे. हे तुम्हाला खूप त्रासदायक असू शकते."

हिट द फर्स्ट केस हा एक इन्‍वेस्‍ट‍िगेटिंग क्राईम ड्रामा थ्रिलर चित्रपट आहे, ज्यामध्ये प्रेक्षकांना खूप सस्पेन्स पाहायला मिळत आहे. दिलीप ताहिल, मिलिंद गुणाजी, शिल्पा शुक्ला आणि संजय नार्वेकर हे देखील चित्रपटाच्या इतर कलाकारांमध्ये आहेत.

साऊथ चित्रपटाचा हिंदी रिमेक - हा चित्रपट त्याच नावाचा हिंदी रिमेक आहे HIT- The First Case जो तेलुगुमध्ये बनला होता. या चित्रपटाच्या तेलगू आवृत्तीमध्ये विश्वक सेन आणि रुहानी शर्मा मुख्य भूमिकेत होते. या चित्रपटाच्या तेलुगू आणि हिंदी दोन्ही आवृत्त्या शैलेश कोलानु यांनी दिग्दर्शित केल्या आहेत.

हेही वाचा - 'मेजर' अभिनेत्री शोभिता धुलिपालाचे ग्लॅमरस फोटो