हैदराबाद - मल्याळम अभिनेत्री अमला पॉल हिचा लेटेस्ट व्हिडिओ व्हायरल झाला आहे. होळीच्या निमित्ताने तिने हा व्हिडिओ चाहत्यांसाठी पोस्ट केला आहे. आज होली पोर्णिमेनिमित्य असलेला पूर्ण चंद्र आणि होळीच्या शुभेच्छा तिने दिल्या आहेत.
- " class="align-text-top noRightClick twitterSection" data="
">
अभिनेत्री अमला पॉलने होळीच्या निमित्ताने आपल्या चाहत्यांसाठी एक दीर्घ पोस्ट लिहिली आहे. तिने एक सुंदर व्हिडिओ शेअर केला आहे. यात ती एका दाक्षिणात्य गाण्यावर धमाल थिरकताना दिसत आहे. तिने आपल्या पोस्टला दिलेल्या कॅप्शनमध्ये लिहिलंय, 'पौर्णिमा आणि होळीच्या परिवारालाहार्दिक शुभेच्छा !!!आज कन्या राशीतील पौर्णिमेला, आपल्याला परिपूर्णतावादाच्या सभोवतालच्या सावल्या उलगडण्याची, पुरेसे चांगले वाटण्याची आणि प्रत्येक क्षणी आपण जसे आहोत तसे स्वीकारण्याची संधी आहे!! कन्या राशीतील या पौर्णिमेला तुम्हाला बरे वाटण्यास मदत होऊ द्या. हे तुमच्या स्वप्नांसाठी पुरेसे चांगले. तुमची प्रतिभा शेअ करण्यासाठी आणि आपल्या तेजात उभे राहण्यासाठी पुरेसे चांगले आहे. आपण कोण आहात हे परिभाषित करणारे सर्वकाही गमवा, फक्त पुरेसे चांगले असलेल्या सर्व गोष्टी सोडून द्या आणि तुमच्या महानतेत पाऊल टाकत रहा. एका फॉर्ममधून दुसऱ्यात सहज विसर्जित होणे ही किमया आहे. हे माझे आवडते बालपणीचे गाणे आहे, ज्यावर मी प्रेम करते.', असे तिने लिहिलंय.
सोशल मीडियावर नेहमी सक्रिय असणारी अभिनेत्री हिंदू धर्माबद्दल नेहमी आस्था बाळगून असते. अलिकडेच तिने एर्नाकुलम (केरळ) येथील तिरुवैरानिकुलम महादेव मंदिरात प्रवेश करत दर्शन घेण्याचा प्रयत्न केला होता. मात्र तेथील मंदिर व्यवस्थापकांनी तिला प्रवेश दिला नव्हता. ही बातमी जानेवारी महिन्यात खूप गाजली होती. अमला ही ख्रिश्चन धर्मिय असल्यामुळे तिला मंदिर प्रवेश नाकारल्यामुळे केरळमधील राजकारण तापले होते. मंदिरात प्रवेश करताना जर त्या व्यक्तीची श्रध्दा असेल तर त्या व्यक्तीला प्रवेश दिला पाहिजे असे मत अनेकांनी व्यक्त केले होते. तिरुपतीच्या मंदिरात ज्या प्रमाणे प्रवेश इतर धर्मियांना दिला जातो त्या प्रमाणे सर्वच मंदिरात दिला गेला पाहिजे, अशीही मते व्यक्त झाली होती.
हेही वाचा - Nick Jonas King Together : मान मेरी जान फेम किंग गायक निक जोनाससोबत करणार धमाल, चाहत्यांचा उत्साह द्विगुणीत
