मुंबई - अभिनेत्री आणि माजी मिस वर्ल्ड ऐश्वर्या राय बच्चन 1 नोव्हेंबर 2022 रोजी तिचा 49 वा वाढदिवस साजरा करत आहे. 'देवदास'च्या पारोपासून ते 'हम दिल दे चुके'ची नंदिनी ते 'मोहोब्बतें'तील मेघापर्यंत, तिने तिच्या सहज सुंदर अभिनय आणि अलौकिक सौंदर्याच्या जोरावर बॉलिवूडवर राज्य केले आहे.
अभिनेत्री ऐश्वर्याने 1994 मध्ये मिस वर्ल्ड स्पर्धा जिंकली. त्यानंतर तिने और प्यार हो गया या चित्रपटातून 1997 मध्ये बॉलिवूड पदार्पण केले. तिला अनेकवेळा 'जगातील सर्वात सुंदर स्त्री' म्हणून औळखले जाते. और प्यार हो गया चित्रपटापासून ऐश्वर्या प्रेक्षकांच्या मनावर आधिराज्य गाजवत आली आहे. हम दिल दे चुके सनम, ताल, देवदास आणि जोधा अकबर हे तिचे काही उल्लेखनीय चित्रपट आहेत.
तिचा अभिनयाचा प्रवास केवळ बॉलीवूडपुरता मर्यादित राहिला नाही कारण तिने हॉलीवूडमध्ये ब्राइड अँड प्रिज्युडिस, प्रोव्होक्ड, यासह इतर काही चित्रपटात उल्लेखनीय भूमिका साकारल्या आहेत.
निळ्या डोळ्यांच्या या सौंदर्यवतीचे स्क्रीन आणि रेड कार्पेटला नेहमीच आकर्षण राहिले आहे. 2003 मध्ये पार पडलेल्या कान्स फिल्म फेस्टीव्हलमध्ये ज्यूरी म्हणून काम करणारी ती पहिली भारतीय होती.2007 मध्ये, तिने सहकलाकार अभिनेता अभिषेक बच्चनशी लग्न केल्यानंतर लगेचच त्यांचा 'गुरु' हा चित्रपट यशस्वी झाला होता. चार वर्षांनंतर अभिषेक आणि ऐश्वर्या या जोडप्याला आराध्या ही पहिले मूलगी झाली.
ऐश्वर्या राय मणिरत्नमच्या पीरियड ड्रामा पोन्नियिन सेल्वनमध्ये अलिकडेच झळकली आहे. या चित्रपटातील तिच्या भूमिकेच देशभर कौतुक सुरू असतानाच आज ती आपला वाढदिवस साजरा करत आहे.
हेही वाचा - आमिर खानची आई झीनत हुसेन यांना हृदयविकाराचा झटका
