मुंबई - भारतीय स्वातंत्र्य संग्रामात अनेक कार्यकर्त्यांचे प्रेरणास्थान होते शहिद भगत सिंग. वयाच्या केवळ २३ व्या वर्षी हसत फाशीवर चढणारे भगतसिंग हे आजही लाखो करोडो तरुणांचे आदर्श आहेत. आपल्या देशातून ब्रिटीश निघून गेले पाहिजेत व इथल्या जनतेचा विचार करणारे स्वदेशी सरकार बनले पाहिजे हा विचार घेऊन भगतसिंग स्वातंत्र्याच्या यज्ञकुंडात उतरले होते. अशा या जिगरबाज साहसी वीराच्या जीवनावर आधारित चित्रपट बनवण्याचा मोह फिल्म मेकर्सना पडला नाही तरच नवल. आजवर अनेक हिंदी चित्रपट भगतसिंग व त्यांचे सहकारी यांच्यावर बनले आहेत. आज भगतसिंग यांचा जन्मदिवस आहे. त्याच्या जयंती निमित्य त्यांच्यावर बनलेल्या चित्रपटांविषयी अधिक जाणून घेऊयात.
'द लीजेंड ऑफ भगत सिंग' - अजय देवगणची मुख्य भूमिका असलेला 'द लीजेंड ऑफ भगत सिंग' हा चित्रपट 7 जून 2002 रोजी रिलीज झाला होता, ज्यामध्ये अजय देवगनला भगत सिंगच्या भूमिकेत चांगलीच पसंती मिळाली होती. या चित्रपटासाठी अजयला राष्ट्रीय पुरस्कारही मिळाला होता.
'23 मार्च 1931 शहीद' - बॉबी देओलचा '23 मार्च 1931 शहीद' देखील 2002 मध्येच दिसला होता. हा चित्रपट 7 जून 2002 रोजी प्रदर्शित झाला होता. देओल भाई बॉबी आणि सनी या दोघांनीही या चित्रपटात काम केले होते. बॉबीने भगतसिंगची व्यक्तिरेखा खूप छान साकारली होती आणि सनी चंद्रशेखर आझादच्या भूमिकेत दिसला होता. या चित्रपटाचे दिग्दर्शन गुड्डू धनोआ यांनी केले होते.
‘शहीद ए आजम’ - सोनू सूदचा 'शहीद-ए-आझम' हा चित्रपटही 2002 मध्ये प्रदर्शित झाला होता. त्यात शमा सिकंदरचीही मुख्य भूमिका होती. हा चित्रपट लोकांना फारसं प्रभावित करू शकला नाही.
‘रंग दे बसंती’ - सिद्धार्थ भगत 2006 मध्ये आमिरच्या 'रंग दे बसंती' या चित्रपटात भगत सिंगच्या भूमिकेत दिसला होता. साऊथ सिनेसृष्टीतील सुपरस्टार सिद्धार्थचा 'मेरी दुल्हन तो आझादी है' या चित्रपटातील डायलॉग खूप आवडला होता. प्रेक्षकांसोबतच समीक्षकांनाही हा चित्रपट आवडला.
'शहीद' - अभिनेता मनोज कुमारने 1965 मध्ये आलेल्या 'शहीद' चित्रपटात भगतसिंग यांची भूमिका साकारून भारतीय स्वातंत्र्यलढ्याला पडद्यावर जिवंत केले. भगतसिंग यांच्या जीवनावर बनलेल्या या चित्रपटाला देशभक्तीचा सर्वोत्कृष्ट चित्रपट म्हटले गेले.
'शहीद-ए-आझाद भगत सिंह' - प्रेम आदिब यांनी पहिल्यांदाच बॉलिवूड चित्रपटात भगतसिंग यांची भूमिका साकारली होती. भगतसिंग यांच्या हौतात्म्यानंतर 23 वर्षांनी 1954 मध्ये त्यांच्यावर एक चित्रपट बनला होता, ज्याचे नाव होते 'शहीद-ए-आझाद भगत सिंह'. देशासाठी हसत हसत फासावर लटकणारे महान क्रांतिकारक भगतसिंग यांच्यावर बनवलेला हा पहिला बॉलिवूड चित्रपट होता. त्याचे दिग्दर्शक जगदीश गौतम होते. यामध्ये प्रेम आबिदसोबत जयराज आणि स्मृती बिस्वास यांच्या प्रमुख भूमिका होत्या.
शहीद भगतसिंग - भगतसिंग यांच्यावर आधारित चित्रपटात शम्मी कपूरनेही काम केले होते. शम्मी कपूरचा 'शहीद' भगतसिंग चित्रपट भगतसिंग यांच्यावर बनलेल्या पहिल्या चित्रपटाच्या 9 वर्षांनंतर आला होता.या चित्रपटात अभिनेता शम्मी कपूरने स्वातंत्र्य सैनिकाची भूमिका साकारली होती. मात्र, त्या काळात हा चित्रपट फ्लॉप ठरला.
हेही वाचा - Lata Mangeshkar Song : लता मंगेशकर जयंती: नाइटिंगेल ऑफ इंडियाची आयकॉनिक गाणी
