रोम ( इटली ) - रिअॅलिटी टेलिव्हिजन स्टार कोर्टनी कार्दशियन आणि 'ब्लिंक-182' ड्रमर ट्रॅव्हिस बार्कर यांनी इटलीतील पोर्टोफिनो येथील एका वाड्यातील भव्य विवाह सोहळ्यात तिसऱ्यांदा लग्न केले.
पेज सिक्सच्या रिपोर्टनुसार कॅलिफोर्नियातील सांता बार्बरा येथे कायदेशीररित्या विवाह झाल्याच्या एका आठवड्यानंतर रविवारी कॅस्टेलो ब्राउन येथे एका स्वप्नमय लग्नाच्या उत्सवात दोघांनी एकमेकांचा स्वीकार केला.
- " class="align-text-top noRightClick twitterSection" data="
">
विवाह प्रसंगी वधूने मोठ्या कॅथेड्रल बुरख्यासह एक जबरदस्त डोल्से आणि गब्बाना मिनी ड्रेस घातला होता. तिने ग्लॅम मेकअप आणि फ्रेश बेबी पिंक मॅनिक्युअरसह लूक पूर्ण केला. दरम्यान, बार्कर त्याच्या काळ्या सूटमध्ये देखणा दिसत होता.
यावेळी कोर्टनी कार्दशियन आणि ट्रॅव्हिस बार्कर यांनी आपआपल्या मुलांचा स्वीकार केला. यात कोर्टनीचे मुलगे मेसन आणि रेन आणि मुलगी पेनेलोप, ट्रॅव्हिसचा मुलगा लँडन, मुलगी अलाबामा आणि सावत्र मुलगी एटियाना यांचा समावेश होता.
या विवाहाप्रसंगी कोर्टनीची आई क्रिस जेनर आणि तिची भावंडं, किम कार्दशियन, ख्लो कार्दशियन, केंडल जेनर आणि काइली जेनर हे सर्व देखील उपस्थित होते.
एप्रिलच्या सुरुवातीला लास वेगास चॅपल वेडिंग सेरेमनी येथे प्रॅक्टीस मॅरेज केल्यानंतर आता त्यांचा कायदेशीर लग्नसोहळा पार पडला होता. पेज सिक्सने पुष्टी केली होती की हा समारंभ केवळ मनोरंजनासाठी होता, कारण त्यांनी लग्नाचा परवाना घेतला नव्हता.
हेही वाचा - आयपीएलच्या अंतिम सामन्यात रिलीज होणार 'लाल सिंग चड्ढा'चा ट्रेलर
