ठाणे - 'व्हॅलेंटाईन डे’ हा दिवस प्रेमीयुगल आणि तरुण मंडळींसाठी अत्यंत खास दिवस मानला जातो. या दिवशी आपल्या आवडत्या प्रिय व्यक्तीला प्रेम करून भेटवस्तू दिल्या जातात. तसेच हा दिवस जोडप्यासाठी विशेष असल्याने प्रेमाच्या नात्याची आठवण म्हणून लग्नगाठ बांधत असतात. 14 फेब्रुवारी म्हणजेच 'व्हॅलेंटाईन डे' दिवशी ( Register marriage on Valentine day ) ठाण्यातील विवाह नोंदणी कार्यालयात तब्बल 40 जोडप्यांनी रजिस्टर मॅरेज करून आठवणींचे कोंदण करून घेतले आहे.
"व्हॅलेंटाईन डे" ला लग्नगाठ बांधली 14 फेब्रुवारीला साजरा केला जाणारा ‘व्हॅलेंटाईन डे’ हा प्रेमीयुगुल, तसेच तरुण मंडळींसाठी अत्यंत खास मानला जातो. गेली दोन, अडीच वर्ष कोरोना महामारीत गेल्याने यंदा लग्नाचा मुहूर्त साधत ठाणे नोंदणीकृत विवाह कार्यालयात जोडप्यासह नातेवाईकांनी गर्दी केली होती. या दिवशी लग्नगाठ बांधून आपला संसार सुरू करायचा, असे अनेकांचे स्वप्न पहिले असताना आज ठाण्यात 40 जोडप्यांनी नोंदणीकृत विवाह केलेला आहे.
मागील वर्षी सुट्टी आल्याने एक वर्ष थांबले लग्नासाठी -आजच्याच दिवशी लग्न करायचे ठरवले असताना अनेक जण या दिवसाची वाट पाहत होते, असे या जोडप्यांनी बोलताना सांगितले. दरम्यान मागच्या वर्षी रविवार सुट्टीचा दिवस असल्याने नोंदणीकृत कार्यालयात विवाह करणाऱ्यांचा मुहूर्त हुकला होता. परंतु यंदा 14 तारखेला सोमवार आल्याने ‘व्हॅलेंटाईन डे’चा मुहूर्त साधून नोंदणीकृत विवाह करण्यासाठी 40 हून अधिक जोडप्यांनी नावनोंदणी केली आहे, अशी माहिती विवाह नोंदणी अधिकारी पार्वती कळपगार यांनी बोलताना सांगितले.
हेही वाचा - The Great Freedom Fighter Tatya Tope : जाणून घ्या! नाना साहेबांचे उजवे हात असलेले स्वातंत्र्य सैनिक तात्या टोपे यांची वीरगाथा
