Car Crashed in Valley : सिक्कीमच्या खोल दरीत कार कोसळून ठाण्यातील ५ जणांचा जागीच मृत्यू

सिक्कीमच्या खोल दरीत कार कोसळून (The car crashed in the deep valley of Sikkim ) ठाण्यातील ५ जणांचा जागीच (5 killed from Thane) मृत्यू झाला आहे. या भीषण अपघातात कारमध्ये प्रवास करणाऱ्या एकाच कुटुंबातील चौघांसह एकूण पाच जणांचा मृत्यू झाला आहे.

ठाणे: मृतक पुनमिया कुटूंब ठाण्याच्या सिव्हिल रुग्णालयासमोर वास्तव्यास होते. या कुटूंबातील चार जण सहलीसाठी गुरुवारी विमानाने सिक्कीमला गेले. तेथे त्यांनी भाडेतत्वावर एक कार घेतली. मात्र, प्रवासात ही कार एका दरीत कोसळून भीषण अपघात झाला (The car crashed in the deep valley of Sikkim ) . हा अपघात इतका गंभीर होता की कारमधील पाचही व्यक्तींचा मृत्यू (5 killed from Thane) झाला. सोमवारी अपघातात मृत्यू झालेल्या सर्वांचे मृतदेह ठाण्यात आणले जाणार आहेत अशी माहिती माहिती जैन धर्मीय सामाजिक कार्यकर्ते नरेंद्र जैन यांनी दिली.

मृतक सुरेश पन्नालालजी पुनमिया यांच्या सोबत त्यांची पत्नी तोरण, मुलगी हिरल(१४) आणि मुलगी देवांशी (१०) तसेच जयन अमित परमार यांच्यासह ठाण्यातील अन्य पर्यटक सिक्कीमला पर्यटनस्थळी गेले होते. शनिवारी संध्याकाळी इच्छितस्थळी पोहचण्यापूर्वीच सुरेश पुनमीया हे प्रवास करीत असलेल्या कारला अपघात झाला. यात सुरेश पुनमीया यांच्या कुटुंबातील चारजनांचा मृत्यू झाला. तर त्यांच्या सोबत गाडीत असलेले अमित परमार यांचाही मृत्यू झाल्याची घटना समोर आली आहे. अमित परमार हे आधी दुसऱ्या गाडीत बसले होते मात्र गाडी थांबल्यानंतर ते पुनमीया असलेल्या गाडीत बसले असे सांगण्यात येत आहे.