ठाणे - एका ७८ वर्षीय वृद्ध महिलेची अंगावरील दागिने लंपास करण्यासाठी तिच्या डोक्यात नारळ मारून ( hitting a coconut on elderly woman head ) खून केल्याची धक्कादायक घटना घडली आहे. हि घटना मुरबाड शहरातील म्हसा रोडवरील जंगलात घडली ( Murder of an elderly woman in Thane ) आहे. विशेष म्हणजे खून करून मारेकऱ्याने कोणताही सुगावा सोडला नव्हता. तरीही ठाणे ग्रामीण गुन्हे शाखेच्या पथकाने शिताफिने आरोपीचा शोध घेत त्याला अटक करण्यात यश आले आहे. विकास बारकू जाधव (वय ३२, रा. देवगाव मुरबाड ) असे अटक आरोपीचे नाव आहे. तर निराबाई बाळाराम पाटील (वय ७८) असे खून झालेल्या महिलेचे नाव आहे.
अकस्मात मृत्यूची नोंद करून घटनेचा तपास सुरु - मृतक महिला मुरबाडमधील गणेशनगर परिसरात कुटूंबासह राहत होती. २३ मार्च रोजी मंदिरात जाते म्हणून घरी सांगून गेली होती. मात्र बराच वेळ झाला घरी परत आलीच नव्हती. त्यामुळे घरच्यांनी ती बेपत्ता झाल्याची तक्रार २४ मार्च रोजी मुरबाड पोलीस ठाण्यात दाखल केली. त्यातच २६ मार्च रोजी निराबाई यांचा मृतदेह मुरबाड शहरातील म्हसा रोड वरील जंगलात आढळून आला होता. त्यानंतर पोलिसांनी घटनास्थळी धाव घेऊन पंचनामा करत मृतदेह शवविच्छेदनासाठी मुरबाडच्या शासकीय उपजिल्हा रुग्णालयात रवाना करून मुरबाड पोलीस ठाण्यात आकस्मात मृत्यूची नोंद करून घटनेचा तपास सुरु केला. पोलिसांच्या तपासात मृतदेहाच्या अंगावरील दागिने नसल्याचे दिसून आले.
१ एप्रिल रोजी खुनाचा गुन्हा दाखल - दरम्यानच्या काळात शवविच्छेदनाच्या अहवालात खून झाल्याचे समोर येताच १ एप्रिल रोजी खुनाचा गुन्हा दाखल करत ठाणे ग्रामीण गुन्हे शाखेच्या पोलिसांनी कशोशीने तपास सुरु केला. मृतक ज्या दिवशी मंदिरात गेल्या होत्या. त्यावेळी त्यांच्या पिशवीत दोन नारळ व अंगावर दागिने होते. यावरून मंदिर ते घटनास्थळाचा तपास केला असता आरोपी विकासचे नाव समोर येऊन त्याची माहिती गोळा केली. त्यानंतर १ मार्च रोजी आरोपी विकासला गुन्हे शाखेच्या पोलिसांनी तो राहत असलेल्या देवगावमधून ताब्यात घेऊन त्याच्याकडे चौकशी केली असता त्याने दागिने चोऱ्यासाठी निराबाईची नारळ डोक्यात मारून खून केल्याची कबुली दिली आहे.
७ एप्रिलपर्यत पोलीस कोठडी - २ एप्रिल रोजी आरोपी विकासला न्यायालयात हजर केले असता ७ एप्रिलपर्यंत पोलीस कोठडी सुनावल्याची माहिती वरिष्ठ पोलीस निरीक्षक प्रसाद पांढरे यांनी दिली आहे. या घटनेचा अधिक तपास सहाय्यक पोलीस निरीक्षक अनिल सोनोने करीत आहेत.
हेही वाचा - Fire In Forest Pune : कात्रज बोगद्यावरच्या डोंगरावर जंगलात वनवा
