पुणे प्रतीसेनाभवन Build Pratisena Bhavan उभारण्याची भाषा करणाऱ्या लोकांबद्दल मला अपार सहानुभूती वाटते. डुप्लीकेट डुप्लिकेटचा खेळ खेळता खेळता सत्य आणि भ्रम यातला फरक विसरून कोल्ह्यांनी स्वतः वाघ असल्याचा बनाव सुरू केला आहे. अर्थात लांडग्यांच्या कळपात गेल्यावर हे बोलणे स्वभाविक आहे असे म्हणत सुषमा अंधारे Shiv Sena Deputy Leader Sushma Andhare यांनी शिंदे गट आणि भाजप यांना जोरदार टोला लगावला आहे.
शिंदे गट-उद्धव ठाकरे गट आमने-सामने आमदार सदा सरवणकर यांनी दादरमध्ये प्रतिसेनाभवन उभारण्याची घोषणा केल्यानंतर राज्यात पुन्हा एकदा शिंदे गट आणि उद्धव ठाकरे गट Shiv Sena Leader Uddhav Thackeray आमने सामने उभे राहिले आहेत. यावरून आता शिवसेनेच्या उपनेत्या सुषमा अंधारे यांनी शिंदे गटातील आमदारांना चांगलच फैलावर घेतले आहे. कोल्ह्यांनी स्वतः वाघ असल्याचा बनाव सुरू केला आहे अशी घणाघाती टीका सुषमा अंधारे यांनी केली आहे.
उदय सामंत यांचे स्पष्टीकरण प्रतिसेनाभवन या नावावरून वाद सुरू झाल्यानंतर शिंदे गटाचे नेते उदय सामंत यांनी यावर स्पष्टीकरण दिले आहे. मुंबई दादर येथे प्रति शिवसेना भवन एकनाथ शिंदे करीत आहेत हा गैरसमज पसरवला जात आहे. मुख्यमंत्री महोदयांना सर्वसामान्य जनतेला भेटता यावे यासाठी मध्यवर्ती कार्यालय असावे असा आमचा प्रयत्न आहे. शिवसेना भवनबद्दल आम्हाला कालही आदर होता उद्याही राहील असे सामंत म्हणाले आहेत.
पुण्यातदेखील उभा राहणार प्रतिसेनाभवन पुण्यातदेखील मध्यवर्ती अशा बालगंधर्व चौकाच्या आजूबाजूला पुण्यातील शिंदे गटाचे कार्यालय उभारणार असून, आज शहरप्रमुख नाना भानगिरे आणि सहसंपर्क प्रमुख अजय भोसले यांनी कार्यालयाची पाहणी केली आहे. लवकरच या ठिकाणी कार्यालय उभा करू असे नाना भानगिरे जागेच्या पाहणीनंतर म्हणाले आहेत.
हेही वाचा विनायक मेटे यांच्या वाहनाचा मुंबई पुणे महामार्गावर भीषण अपघात उपचारादरम्यान मृत्यू
