कोरोनामुळे पालक गमावलेल्या विद्यार्थ्यांची शुल्क माफी; सावित्रीबाई फुले पुणे विद्यापीठाचे परिपत्रक जारी

सावित्रीबाई फुले पुणे विद्यापीठाने ( Savitribai Phule Pune University ) शुल्कमाफीसंदर्भात पुन्हा नव्याने परिपत्रक जारी करण्यात आले आहे. कोराना प्रादुर्भावामुळे ( Corona -19 ) विद्यापीठाने शुल्कमाफीचा निर्णय घेतला होता. मात्र, संबधित महाविद्यालयाने विद्यार्थांची फीस माफ ( Student fee waived ) केली नव्हती. त्यावर विद्यार्थी संघटनाने विद्यापीठाला फीस माफ न झालेल्या विद्यार्थांची नावे पाठविली होती.

पुणे - करोनाच्या प्रादुर्भावामुळे ( Corona -19 ) निर्माण झालेल्या आर्थिक अडचणी लक्षात घेऊन उच्च व तंत्रशिक्षण विभागाने ( Higher and Technical Education Department ) करोनामुळे पालक गमावलेल्या विद्यार्थ्यांचे संपूर्ण शुल्क माफ ( Student fee waived ) करण्याचा निर्णय घेतला होता. सावित्रीबाई फुले पुणे विद्यापीठाने ( Savitribai Phule Pune University ) शुल्कमाफीसंदर्भातील परिपत्रक प्रसिद्ध करूनही महाविद्यालयांनी शुल्कमाफीची अंमलबजावणी केली नसल्याच्या तक्रारी विद्यार्थी संघटनांकडून करण्यात आली होती. त्यावर सावित्रीबाई फुलेविद्यापीठाकडून पुन्हा नव्याने परिपत्रकाद्वारे सूचना देण्यात आल्या आहेत.

हेही वाचा - A Shocking Incident in Amravati : नांदगाव खंडेश्वर येथील छोरियानगरमध्ये राहणाऱ्या नागरिकांवर दूषित व गढूळ पाणी पिण्याची वेळ!

विद्यापीठाने प्रसिद्ध केलेल्या परिपत्रकानुसार करोनामुळे पालक गमावलेल्या आणि शुल्कमाफी न मिळालेल्या विद्यार्थ्यांची विद्यार्थी यादी संघटनांकडून विद्यापीठाकडे पाठवली आहे. महाविद्यालयांचे प्राचार्य, संचालक यांनी संबंधित विद्यार्थ्यांची शुल्कांसंदर्भातील अहवाल ३१ जुलैपर्यंत पाठवण्याबाबत स्पष्ट करण्यात आले आहे. निर्णयाची अंमलबजावणी न करणाऱ्या महाविद्यालयांवर कारवाई करण्याची मागणी स्टुडन्ट हेल्पिंग हँडचे कुलदीप आंबेकर यांनी केली आहे.

हेही वाचा - क्रूरतेचा कळस.. ६ वर्षीय मुलाची निर्घृण हत्या.. चाकूने डोळे फोडून, जीभ कापली..