पुणे : मध्यरात्री उशिरा सुरू झालेल्या राज्यसभा निवडणुकीच्या (Rajya Sabha Election) मतमोजणीमध्ये महाविकास आघाडीला मोठा धक्का बसला आहे. बऱ्याच राजकीय घडामोडी आणि चर्चांनंतर शिवसेनेने सहाव्या जागेसाठी निश्चित केलेले कोल्हापूरचे संजय पवार यांचा पराभव झाला असून भाजपाचे धनंजय महाडिक यांचा विजय झाला आहे. यावर अमृता फडणवीस यांनी आपल मत व्यक्त केले आहे. त्या म्हणाले की, आज राज्यसभेत जे निवडून आले आहे. त्यांचं खूप खूप अभिनंदन. पंतप्रधान नरेंद्र मोदी, अमित शहा, देवेंद्र फडणवीस आणि चंद्रकांत पाटील यांच्या नेतृत्वाखाली आणि अपक्ष आमदाराच्या पाठिंब्यामुळे हा विजय झाला आहे. आजचा हा विजय सत्याचा आहे. आजचा निकाल पाहता सर्वजण सत्याच्या बाजूने आहेत, असे मला वाटत आहे, असे यावेळी अमृता फडणवीस यांनी सांगितले.
हा सत्याचा विजय आहे : पुण्यात भारतीय जनता महिला आघाडीच्या वतीने बुधवार पेठ येथे एक कार्यक्रम आयोजित करण्यात आला होता. यावेळी त्या बोलत होत्या. अकेला देवेंद्र है क्या करेंगा यावर अमृता फडणवीस यांना विचारलं असता ते म्हणाले की, मला खूप आनंद आहे की कभी देवेंद्र अकेला था ना अब अकेला है. उनके साथ पुरी कायनात है. हम तो साथ में है. जो प्रगती का राजकारण है वही आहे आयेंगा नाही. टोमणे का राजकारण आगे आयेंगा असं यावेळी अमृता फडणवीस यांनी सांगितल.
शिवसेनेला मिळणार धडा : राज्यसभेतदेखील वेगळा मार्ग भाजपकडून अवलंबला आहे असं विरोधक म्हणत आहेत. यावर अमृता फडणवीस यांना विचारलं असता त्या म्हणाल्या की, जी लोकं भाजपकडे आले आहेत, ते सध्या महविकास आघाडी सरकारचे काम बघून आले आहेत. दुसऱ्या मार्गाची गरजच नव्हती असेदेखील यावेळी अमृता फडणवीस म्हणाल्या. आजचा विजय हा शिवसेनेला धडा नव्हे, तर आता त्यांना यापुढे धडा सुरू होईल, असदेखील यावेळी अमृता फडणवीस म्हणाल्या.
मुख्यमंत्री केवळ टोमणे मारतात : मुख्यमंत्री उद्धव ठाकरे यांच्या कर्तृत्वाच्या विषयी अमृता फडणवीस यांना विचारलं असता त्या म्हणाल्या की, जेव्हा उद्धव ठाकरे मुख्यमंत्री झाले तेव्हा मीच बोलत होते आणि आज सर्वच लोक तेच बोलत आहे, जे मी बोलत होते. ज्या प्रकारे उद्धव ठाकरे यांनी काम केलं पाहिजे त्या प्रकारे ते करीत नाहीयेत फक्त टोमणे मारायचे काम ते करीत आहेत. असेदेखील यावेळी अमृता फडणवीस यांनी सांगितले.
