मेफेड्रोन ड्रग्सप्रकरणी अटक आरोपींच्या बॉलिवूड कनेक्शनची शक्यता - पोलीस आयुक्त

चाकण परिसरातील शिरूर - चाकण मार्गावरून अज्ञात मोटारीने काही व्यक्ती मेफेड्रोन ड्रग्स घेऊन येणार असल्याची माहिती वरिष्ठ पोलीस निरीक्षक श्रीराम पौळ यांच्या पथकाला मिळाली होती. त्यानुसार, संबंधित ठिकाणी सापळा लावण्यात आला. परंतु आरोपी यांनी मोटार थांबवली नाही. त्यांचा पोलिसांनी सिनेस्टाईल पाठलाग केला आणि शेल पिंपळगाव येथे त्यांना पकडले, पाच ही आरोपीकडे असलेल्या बॅगेत 20 कोटी रुपयांचे 20 किलो मेफेड्रोन ड्रग्स आढळले. संबंधित कारवाईमध्ये आरोपीना अटक केली असून त्यांच्याकडे कसून चौकशी सुरू आहे.

पुणे - पिंपरी-चिंचवड अमली पदार्थ विरोधी पथकाने चाकण परिसरातून वाहनाचा सिनेस्टाईल पाठलाग करून 20 कोटी रुपयांचे 20 किलो मेफेड्रोन ड्रग्स पकडले आहे. याप्रकरणी पाच आरोपींना पोलिसांनी अटक केली कसून चौकशी सुरू आहे, अशी माहिती पोलीस आयुक्त कृष्ण प्रकाश यांनी दिली आहे. संबंधित टोळीचे मुंबईमधील बॉलिवूड ड्रग्स कनेक्शन असण्याची शक्यता नाकारता येत नसल्याचे पोलीस आयुक्तांनी म्हटले आहे. तर, नोएडा येथे राहणारे पाच पैकी दोन आरोपी हे विमानाने पुण्यात आले होते, असे पोलीस सूत्रांनी सांगितले.

या प्रकरणी चेतन फक्कड दंडवते (वय- 28 रा. मलठन जि. पुणे), आनंदगीर मधूगिर गोसावी (वय- 25 रा.रुखईखेडा जळगाव), अक्षय शिवाजी काळे (वय- 25 रा. पाचर्णे मळा जि. पुणे), संजीवकुमार बन्सी राऊत (वय-44 रा. झारखंड, सध्या नोएडा), तौसिफ हसन मोहम्मद तस्लिम (वय- 31 रा.बिहार, सध्या नोएडा) अशी अटक केलेल्या आरोपींची नावे आहेत.चाकण परिसरातील शिरूर - चाकण मार्गावरून अज्ञात मोटारीने काही व्यक्ती मेफेड्रोन ड्रग्स घेऊन येणार असल्याची माहिती वरिष्ठ पोलीस निरीक्षक श्रीराम पौळ यांच्या पथकाला मिळाली होती. त्यानुसार, संबंधित ठिकाणी सापळा लावण्यात आला. परंतु आरोपी यांनी मोटार थांबवली नाही. त्यांचा पोलिसांनी सिनेस्टाईल पाठलाग केला आणि शेल पिंपळगाव येथे त्यांना पकडले, पाच ही आरोपीकडे असलेल्या बॅगेत 20 कोटी रुपयांचे 20 किलो मेफेड्रोन ड्रग्स आढळले. संबंधित कारवाईमध्ये आरोपीना अटक केली असून त्यांच्याकडे कसून चौकशी सुरू आहे. ते दोघे विमान प्रवास करून पुण्यात आले अन...आरोपी संजीवकुमार बन्सीराऊत आणि तौसिफ हसन मोहम्मद तस्लिम दोघे ही नोएडा येथे राहण्यास असून ते विमानाने पुण्यात दाखल झाले होते. त्यानंतर इतर आरोपींशी सम्पर्क करून एकत्रित आले. दरम्यान, पुणे येथील पासिंग असलेल्या मोटारीतून मुंबईला हे सर्व मेफेड्रोन ड्रग्स विकण्यासाठी जाणार होते. मात्र, त्या अगोदरच त्यांचा पर्दाफाश करत 20 कोटींचे ड्रग्स पोलिसांनी पकडले आहे. या मेफेड्रोन ड्रग्सची प्रत्येकी 1 ग्रॅमची किंमत ही 10 हजार रुपये असल्याची माहिती पोलिसांनी दिली. मेफेड्रोन ड्रग्स हे केमिकल फॅक्टरीमध्ये बनवले जाते आणि संबंधित आरोपी हे त्याच्याशी निगडित आहेत. अमली पदार्थ विरोधी पथकाने केली मोठी कारवाईपोलीस आयुक्त कृष्ण प्रकाश, अप्पर पोलीस आयुक्त रामनाथ पोकळे, पोलीस आयुक्त सुधीर हिरेमठ, सहा.पोलीस आयुक्त राजाराम पाटील यांच्या मार्गदर्शनाखाली अंमली पदार्थ विरोधी पथकाचे वरिष्ठ पोलीस निरीक्षक श्रीराम पौळ, सहाय्यक पोलीस निरीक्षक प्रशांत महाले, सहाय्यक पोलीस फौजदार शाकीर जिनेडी, राजन महाडीक, पोलीस हवालदार प्रदीप शेलार, राजेंद्र बांबळे, शकुर तांबोळी, दिनकर भुजबळ, पोलीस नाईक संदीप पाटील, संतोष दिघे, पोलीस शिपाई प्रसाद जंगीलवाड, संतोष भालेराव, अशोक गारगोटे, दादा धस, प्रसाद कलाटे, शैलेश मगर, अजित कुटे, पांडुरंग फूंदे, प्रदीप गुट्टे व महिला पोलीस शिपाई अनिता यादव यांच्या पथकाने केली आहे.