पुणे:- भाजप नेते किरीट सोमय्या ( BJP leader Kirit Somaiya ) यांच्यावर शनिवारी पुणे महानगरपालिकेत झालेल्या हल्लाप्रकरणात ( Attack in the premises of PMC ) अटक करण्यात आलेल्या सनी गवते याला आज (सोमवारी) संध्याकाळी शिवाजीनगर न्यायालयात जामीन मंजूर झाला आहे. आज (सोमवारी) दुपारी शिवाजीनगर पोलिसांनी एका शिवसैनिकाला ताब्यात घेतले होते. त्यानंतर सनी गवते याला कोर्टात हजर केल्यानंतर लगेच जामीन मंजूर झाला आहे.
किरीट सोमय्या यांच्यावर पुणे महानगरपालिकेत झालेल्या हल्लाप्रकरणी 8 शिवसैनिकांवर गुन्हा दाखल करण्यात आला आहे. मात्र अद्याप कोणाला अटक करण्यात आलेली नाही. आता या प्रकरणात पोलिसांनी सोमय्या यांच्यावर शर्ट भिरकवणाऱ्या सनी गवते या शिवसैनिकाला अटक केली होती. त्याला लगेच जामीन मंजूर झाला आहे.
किरीट सोमैया हल्ला प्रकरणी सर्व शिवसैनिकांना जामीन मंजूर
भाजप नेते किरीट सोमैयांना शनिवारी पुणे महापालिकेत धक्काबुक्की करण्यात आली. ( Attacked on Kirit Somaiya in PMC ) या प्रकरणात गुन्हा दाखल असलेले 8 शिवसैनिक आज स्वतः शिवाजीनगर पोलीस ठाण्यात हजर झाले होते. ( Shivsainik present in Shivaji Nagar police station ) त्यानंतर या सर्व शिवसैनिकांना शिवाजीनगर न्यायालयात हजर करण्यात आले. पुणे जिल्हा सत्र न्यायालयाने अटक करण्यात आलेल्या या शिवसैनिकांना तीन हजार रुपयांच्या जात मुचलक्यावर जामीन मंजूर केला. ( Shiv Karyakartas got bail over Kirit Somaiya attack case )
काय आहे प्रकरण -
जम्बो कोविड सेंटरमध्ये झालेल्या घोटाळाप्रकरणी महापालिका आयुक्तांची भेट घेण्यासाठी किरीट सोमय्या शनिवारी सायंकाळी पुणे महानगरपालिकेत आले होते. ते जुन्या इमारतीच्या मेनगेटने पायऱ्यांवरून जात असताना अचानक इमारतीच्या आतमधून शिवसेनेचे कार्यकर्ते बेकायदेशीर जमाव जमवून तेथे आले. त्यांनी सोमय्या यांना आत जाण्यापासून रोखले. एकाने त्याच्या अंगातील शर्ट काढून तो हवेत भिरवला व त्या शर्टने सोमय्या यांना फटका मारला. त्यानंतर सोमय्या यांची कॉलरपकडून हाताने जोर लावून खेचले व त्यांच्या जिवाला धोका होईल अशा पद्धतीने तिसऱ्या पायरीवरून ओढले. त्यामुळे सोमय्या पडले व त्यांच्या हाताला व डोक्याला मार लागला. त्यानंतर सोमय्या यांच्या गाडीसमोर शहरअध्यक्ष मोरे हे झोपले. तर, इतर कार्यकर्ते यांनी गाडीवर हाताने व बुक्यांनी मारहाण केली. हातात दगड घेऊन सोमय्या यांच्या जिवास धोका पोहचविण्यास उद्देशाने थांबले होते, असे तक्रारीत म्हटले आहे.
सोमैया यांनी घेतली राज्यपालांची भेट -
पुणे महानगर पालिकेत ५ फेब्रुवारीला भाजप नेते किरीट सोमय्या तक्रार करण्यास गेले असता त्याच्यासोबत धक्काबुक्की करण्यात आली. मला मारण्याचा प्लान तयार होता असा आरोप त्यांनी केला व त्या संबंधी काही व्हिडिओ क्लिप राज्यपालांना दाखवल्या आहेत. यासंदर्भात दिल्लीला जाऊन तक्रार करणार असल्याची माहितीही त्यांनी दिली आहे.
राज्यपालांनी व्यक्त केली चिंता
राज्यपाल भगतसिंग कोश्यारी यांची भेट घेतल्यानंतर बोलताना किरीट सोमय्या म्हणाले की, झालेल्या घटनेबाबत त्यांनी फार चिंता व्यक्त केली. झेड सुरक्षा असलेल्या व्यक्तीला अशा पद्धतीने मारहाण होणे हे गंभीर आहे. या पूर्ण प्रकरणाबाबत ते स्वतः गृहमंत्र्यांशी बोलणार आहेत. तसेच या प्रकरणाची चौकशी ही करायला सांगणार आहेत.
गुरुवारी दिल्लीत गृह सचिवांना भेटणार
या संदर्भात ते गुरुवारी दिल्लीला जाऊन गृह सचिवांची भेट घेणार आहेत. सोमय्या यांच्यावर मारहाण प्रकरणी फक्त ८ लोकांवर कारवाही करण्यात आली आहे. परंतु ते ऐकून ६४ लोक आहेत ज्यांनी माझ्यावर हल्ला केला असे सांगत जो पर्यंत या ६४ लोकांवर कारवाही होत नाही तोपर्यंत मी शांत बसणार नाही, असेही ते म्हणाले.
'...तर किरीट सोमैयांना श्रद्धांजली वाहावी लागली असती'; सोमैयांच्या भेटीनंतर चंद्रकांत पाटलांची प्रतिक्रिया
किरीट सोमैया ( Shivsena Attack On Kirit Somaiya ) यांच्यावर हल्ला करण्यात आला. त्यानंतर भाजपाचे प्रदेशाध्यक्ष चंद्रकांत पाटील यांनी ( Chandrakant Patil Met With Kirit Somaiya At Sancheti Hospital ) संचेती रुग्णालयात जाऊन त्यांची भेट घेतली. आज जो शिवसैनिकांच्यावतीने हल्ला झाला आहे, तो हल्ला नव्हे, तर त्यांना पूर्ण मारण्याची योजना झाली होती. हे राज्य सरकार आहे, की गुंडा राज आहे. सत्तेत असणारा पक्ष जर अशा पद्धतीने कायदा हातात घेत असेल, तर सर्वसामान्य माणसाने काय करायचं. अशी प्रतिक्रिया त्यांनी माध्यमांशी बोलताना दिली. तसेच केंद्राची सुरक्षा नसती, तर किरीट सोमैयांना श्रद्धांजली वाहावी लागली असती, असेही ते म्हणाले.
शिवसेनेचा मला मारण्याचा हेतू होता; किरीट सोमैयांची प्रतिक्रिया
किरीट सोमैया ( Shivsainik Attack On Kirit Somaiya ) यांना शिवसैनिकांनी धक्काबुक्की केली व त्यात ते जखमी झाले. याबाबत बोलताना किरीट सोमैया यांनी ( Kirit Somaiya Spoke About Shivsena Attack ) शिवसेनेचा हेतू मला मारण्याचा होता व त्याबाबत त्यांनी ट्विटरवर एक व्हिडिओ सुद्धा शेअर केला आहे. त्यामध्ये एक दगड त्यांना मारण्यासाठी उचलण्यात आला होता, असे दिसते.
