पुणे - पुण्यातील मुळशी येथून २५ जानेवारी रोजी गायब झालेल्या ५ मुलांपैकी ३ मुले सापडली ( 3 Out of 5 children missing from Mulshi found ) असल्याची माहिती मिळाली आहे. मुळशी येथील संपर्क बाल आशाघर येथून २५ जानेवारी रोजी ही ५ मुले बेपत्ता झाली होती.
हेही वाचा - Sharad Pawar on Budget : 'अर्थसंकल्पात सर्वच क्षेत्रांवर अन्याय, तर बजेटचा निवडणुकीत फायदा होणार नाही'
या बाल आशाघरात राहणारी सारी मुले अनाथ आहेत. २४ जानेवारी रोजी एका अज्ञात व्यक्तीने या ५ मुलांना फुस लावून पळवून नेल्याचा आरोप या संस्थेचे संस्थाचालक मनोज गवळी यांनी केला होता. त्यांच्या फिर्यादीवरून पोलीस ठाण्यात बेपत्ता मुलांबाबत तक्रार दाखल करण्यात आली होती.
५ बेपत्ता मुलांपैकी ३ मुले ही काल मुळशी येथील चिखलगाव दुर्गेवडी येथे सापडली असून उर्वरित २ मुलांचा शोध सुरू असल्याची माहिती पौड पोलिसांनी दिली. श्रीपती लहू मोरे, गणपत उघडे, सागर वाघमारे अशी सापडलेल्या तीन मुलांची नावे आहेत.
हेही वाचा - Pimpri Chinchwad Crime : 300 कोटींच्या क्रिप्टो करन्सीसाठी पोलीस कर्मचाऱ्यानेच केले एका व्यक्तीचे अपहरण
