नाशिक - फास्टॅगबाबत पाहिजे तशी जनजागृती न झाल्याने आणि फास्टॅगची कमतरता, यामुळे 15 डिसेंबरला करण्यात आलेली फास्टॅगची सक्ती महिनाभरासाठी शिथिल करण्यात आली. त्यामुळे वाहनधारकांना आता पैसे देऊन टोलनाका ओलांडता येणार आहे. टोलनाक्यावर होणारी गर्दी, वायू प्रदूषण आणि वाहनधारकांना टोल नाका क्रॉस करण्यासाठी लागणार वेळ पाहता, केंद्र सरकारने राष्ट्रीय महामार्गावर टोलनाका ओलांडण्यासाठी वाहनावर फास्टॅग असणे सक्तीचे केले होते.
हेही वाचा... आपल्यात आता कोणतेही नाते उरले नाही... नात्यांचे तसे ओझेच होते, तेही उतरले!
वाहनावर लावण्यात आलेला फास्टॅग स्क‌ॅन झाल्यावर वाहनधारकांना काही वेळातच टोल क्रॉस करता येणार आहे. त्यांची टोलची रक्कम ही त्यांच्या फास्टॅग अकाउंटमधून जाणार असल्याने वाहनधारकांनी या निर्णयाचे स्वागत केले. तर फास्टॅगमुळे ऑनलाईन व्यवहार होण्यास अडचणी निर्माण होत असल्याचे अनेक वाहनधारकांनी म्हटले आहे.
हेही वाचा... ठाणे : कल्याणातील वीटभट्टीवरून 'श्रमजीवी'ने केली मजुरांची मुक्तता
नाशिक- मुंबई महामार्गावरील घोटी येथील टोलनाक्यावर 10 मार्गिका असून त्यापैकी 4 मार्गिका फास्टॅगसाठी आहेत. इतर 6 मार्गिका रोख व्यवहारासाठी ठेवण्यात आल्या आहेत. फास्टॅग मिळण्यासाठी काही बँकांनी टोलनाक्यावर देखील काउंटर उघडले आहे.
हेही वाचा... 'या' चार देशांच्या नागरिकांना भारतातील पर्वतशिखरांवर गिर्यारोहणासाठी परवानगी आवश्यक
#फास्टॅगसाठी कोणती कागदपत्रे लागतात
वाहनांचे नोंदणी प्रमाणपत्र, वाहन मालकाचा पासपोर्ट फोटो, वाहन मालकाची केवायसी कागदपत्रे.
#फास्टॅगचे फायदे
प्रवास करता वेळी रोख रक्कम लागणार नाही. वेळ वाचणार, टोल नाक्यावर न थांबता वाहन पुढे जाऊ शकेल त्यामुळे इंधन बचत होऊ शकते, फास्टॅगचे व्यवहार ऑनलाईन क्रेडिट कार्ड, डेबिट कार्ड किंवा नेट बँकिंगने करता येते, व्यवहार पूर्ण झाल्यावर संदेश येतो, तसेच रक्कम कमी झाल्यावर देखील संदेश येतो. कागदचा खर्च वाचतो, एखादे वाहन गुन्ह्यात वापरले गेले असेल आणि ते टोलनाक्यावरून गेल्यास वाहन मालकापर्यंत लवकर पोहोचणे शक्य होते. तसेच टोलनाक्यावरून जाणाऱ्या रोजच्या वाहनांची माहिती मिळाल्यामुळे त्याचे विश्लेषण करून वाहतूक सुधारण्यासाठी योजना तयार करता येऊ शकते.
हेही वाचा... नो टू सिंगल यूज प्लास्टिक : प्लास्टिक कचरा द्या आणि पोटभर जेवण करा
