नाशिक - भाजप नगरसेविका तसेच महिला बालविकास समितीच्या सभापती सरोज आहिरे यांनी पक्षाला रामराम करत राष्ट्रवादी काँग्रेस पक्षामध्ये प्रवेश केला आहे. तसेच राष्ट्रवादीकडून त्यांना देवळाली मतदारसंघाची उमेदवारी जाहीर करण्यात आली आहे.
नाशिकमध्ये भाजपला बंडखोरीचा फटका बसला आहे. सरोज आहिरे यांनी गुरूवारी राज्याचे माजी उपमुख्यमंत्री छगन भुजबळ यांच्या उपस्थितीत राष्ट्रवादी काँग्रेसमध्ये प्रवेश केला आहे. तर अहिरे यांना पक्ष प्रवेशानंतर राष्ट्रवादीकडून देवळाली मतदारसंघाची अधिकृत उमेदवारी देखील देण्यात आली आहे. त्यामुळे भाजपला या मतदारसंघात आता बंडखोरीचा फटका बसण्याची शक्यता आहे.
हेही वाचा... नाशिक पश्चिम विधानसभेची जागा माकपला; राष्ट्रवादीचे हिरे यांची बंडखोरी
नाशिकच्या भाजप नगरसेविका सरोज आहिरे छगन भुजबळ यांच्या उपस्थितीत राष्ट्रवादी काँग्रेस पक्षामध्ये प्रवेश केला., यावेळी भुजबळ यांनी त्यांचे राष्ट्रवादी काँग्रेस पक्षात स्वागत केले. यानंतर त्यांना राष्ट्रवादी आणि काँग्रेस मित्रपक्ष आघाडीचे देवळाली विधानसभेचे अधिकृत उमेदवार म्हणून भुजबळांच्या हस्ते एबी फॉर्म देण्यात आला.
हेही वाचा... उमेदवारी जाहीर न केल्याने आमदार बाळासाहेब सानप नाराज
