नाशिक - भारतीय जनता पक्षाचे (BJP) ज्येष्ठ नेते, माजी आदिवासी विकास मंत्री मधुकर पिचड (Former Minister Madhukar Pichad) घरातील वादामुळे अडचणीत सापडले आहेत. कौटुंबिक हिंसाचार प्रकरणी न्यायालयाने पोलिसांना गुन्हा दाखल करण्याचे आदेश दिले आहे. मुलाची आत्महत्या आणि सुनेला जीवे मारण्याची धमकी, या प्रकरणात हा गुन्हा दाखल करण्यात आला आहे. या प्रकरणामुळे राजकीय वर्तुळात खळबळ उडाली आहे.
पीडितेचे वकील उमेश वालझाडे यांची प्रतिक्रीया
तक्रारीत काय आहे
पीडित सुनेच्या म्हणण्यानुसार सासरे मधुकर पिचड, सासू कमलाबाई पिचड आणि मुलगा अश्विन व इतरांनी पत्नीला आत्महत्येस प्रवृत्त केल्याचा आरोप केला आहे. पतीच्या आत्महत्येनंतर कुटुंबीयांनी मानसिक छळ करत घराबाहेर काढून दिले. या विरोधात पोलिसात तक्रार दिली. परंतु पोलिसांनी प्रतिसाद दिला नाही. अखेर त्यांनी न्यायालयात तक्रार दिली. न्यायालयाने पोलिसांना गुन्हा दाखल करण्याचे आदेश दिले. तक्रारीची प्रत मुख्यमंत्र्यांना पाठविण्यात आली असल्याची माहिती पीडितेने दिली आणि पीडितेच्या वतीने वकील उमेश वालझाडे यांनी बाजू मांडली. शनिवारी पंचवटी पोलीस ठाण्यात गुन्हा दाखल करण्यात आला आहे, असे वरिष्ठ निरीक्षक डॉ सीताराम कोल्हे यांच्या मार्गदर्शनाखाली तपास सुरू आहे.
