नागपूर - या वर्षी स्वाईन फ्लूच्या रुग्णाची संख्या ( Swine flu positive in Nagpur ) वाढताना दिसून येत आहे. नागपुरात स्वाईन फ्लूच्या रुग्णसंख्येने पंच्याहत्तरी गाठली आहे. यातील 45 रुग्ण नागपूर शहर आणि ग्रामीण भागातले आहेत तर उरलेले लगतच्या ( Swine flu patients number Nagpur ) जिल्ह्यातील आहेत. तसेच, आरोग्य विभागाच्या मृत्यू विश्लेषण बैठकीत पाच जणांचा ( Swine flu patients death Nagpur ) मृत्यू हा स्वाईनफ्लूने झाल्यावर शिक्कामोर्तब करण्यात आला आहे.
हेही वाचा - ATM Theft In Nagpur : शेकडो सीसीटीव्ही तपासल्यानंतर एटीएम फोडणारा आरोपी पोलिसांच्या ताब्यात
नागपूर शहर, ग्रामीण भागतील रुग्णांची संख्या 45 - मागील पंधरवाड्यात शहरात स्वाईनफ्लूचे 16 रुग्ण होते. पण, मागील काही दिवसांत झपाट्याने रुग्णसंख्या वाढत 45 वर पोहचली आहे. तर 75 पैकी शहरातील 45 असून काही ग्रामीण भागातील तर काही रुग्ण हे जिल्हा आणि लगतच्या जिल्ह्यातील सुद्धा आहे. तसेच, यात मृत्यू झालेले 3 रुग्ण हे शहरातील होते. यासोबतच एक रुग्ण ग्रामीण भागातील आहे, 1 रुग्ण हा बाहेर जिल्ह्यातील असून, पाच जणांचा मृत्यू स्वाईन फ्लूने झाला आहे. स्वाईनफ्लूचा सध्या प्रकोप वाढताना दिसत असल्याने काळजी घेण्याची गरज असल्याची माहिती महापालिकेचे अतिरिक्त आयुक्त राम जोशी यांनी दिली.
