मुंबई - कुर्ला रेल्वे स्थानकातील हार्बर मार्गावरील फलाट क्रमांक 7 समोर मंगळवारी एका तरुणाने चालत्या लोकल खाली उडी मारून आत्महत्या केली. तरुणाचे नाव सेतू राम (वय 35) असून आत्महत्येचे कारण अद्याप स्पष्ट नाही. ही घटना सीसीटीव्हीत कैद झाली आहे.
हेही वाचा - घाटकोपरमधील 'श्रीजी' टॉवरला आग, २० जणांची सुखरुप सुटका
मुंबईची जीवनवाहिनी असलेल्या लोकल रेल्वे प्रवाशांच्या सुरक्षेसाठी रेल्वेकडून जनजागृती केली जाते. मात्र, त्यातच काही प्रवासी रेल्वेचा आत्महत्या करण्यासाठी दुरुउपयोग करताना पाहायला मिळत आहेत. मध्य रेल्वेच्या कुर्ला रेल्वे स्थानकातील हार्बर मार्गावरील फलाट क्रमांक 7 वर मंगळवारी संध्याकाळच्या सुमारास वाशीच्या दिशेने जाणारी लोकल कुर्ला स्थानकात आली. यावेळी कुर्ला स्थानकात प्रवाशांची प्रचंड गर्दी होते. प्रवासी फलाटावर लोकल रेल्वेची वाट पाहत होते. त्याचवेळी अचानक एक प्रवाशी गर्दीतून लोकल समोर येत रुळावर उतरून लोकल समोरच झोपला. लोकल थेट त्याच्या अंगावरून गेली, यात त्याचा मृत्यू झाला. या प्रकरणाचा अधिक तपास रेल्वे पोलीस करत आहेत.
हेही वाचा - गाडी विकण्याची बनावट जाहिरात देऊन माटुंग्यातील व्यक्तीला लावला 6 लाखांचा चुना
