अजित पवारांचे बंधू श्रीनिवासांच्या कंपनीत पोलिसांचे सर्च ऑपरेशन, नेमकं कारण काय?

बारामती विधानसभा निवडणुकीत राजकीय वातावरण तापलेलं असताना श्रीनिवास पवार यांच्या कंपनीत पोलिसांनी सर्च ऑपरेशन केले. श्रीनिवास हे राष्ट्रवादीचे (एसपी) उमेदवार युगेंद्र पवार यांचे वडील आहेत.

पुणे - संपूर्ण देशाचं लक्ष लागलेल्या बारामती विधानसभा मतदार संघात राष्ट्रवादी काँग्रेसचे (एसपी) उमेदवार युगेंद्र पवार यांचे वडील श्रीनिवास पवार यांच्या शरयू मोटर्सवर पोलिसांनी रात्री सर्च ऑपरेशन केलं. त्यामुळे बारामती विधानसभा निवडणुकीत युगेंद्र पवार विरुद्ध अजित पवार हे राजकारण चांगलंच तापलं आहे.

बारामती विधानसभा निवडणुकीत काका अजित पवार विरुद्ध पुतणे युगेंद्र पवार अशी लढत होताना आपल्याला पाहायला मिळत आहे. अशातच बारामती तालुक्यातील मेडद गावात असलेल्या शरयू मोटर्सवर पोलिसांनी सोमवारी रात्री सर्च ऑपरेशन केलं आहे. या कंपनीचे मालक उपमुख्यमंत्री अजित पवार यांचे बंधू श्रीनिवास पवार आहेत. त्यांचा मुलगा युगेंद्र पवार आणि अजित पवार यांच्यात विधानसभेची निवडणूक होत आहे. विधानसभेच्या निवडणुकीच्या काळात हे सर्च ऑपरेशन करण्यात आल्यानं बारामतीच राजकारण चांगलंच तापलं आहे.

निवडणुकीच्या काळात काही तक्रारी आल्या आहेत. त्या तक्रारीच्या अनुषंगाने आमच्या नेमण्यात आलेल्या एका विशिष्ट पथकाकडून विविध ठिकाणी तपासण्या करण्यात येतात. त्याच पद्धतीने शरयू टोयाटो कंपनीवरदेखील तपास करण्यासाठी पथक गेले होते. त्या ठिकाणी कोणतीही रक्कम अथवा काहीही आढळून आलेले नाही-बारामतीचे विभागाचे मुख्य निवडणूक निर्णय अधिकारी, वैभव नावडकर

• निवडणूक आयोगाच्या पथकाकडून सर्च ऑपरेशन करण्यात आल्याच्या माहितीला श्रीनिवास पवार यांनी दुजोरा दिला. ते वृत्तसंसस्थेशी बोलताना म्हणाले, " निवडणूक आयोगाच्या पथकानं आम्हाला व्हिडिओ काढण्यास मनाई केली. अर्धा तास ऑपरेशन करून पोलीस निघून गेले. वाहनांची डिक्की खोलूनही तपासणी करण्यात आली."

निवडणूक अत्यंत चुरशीची होणार- युगेंद्र पवार यांच्या प्रचारार्थ शरद पवार यांची पत्नी प्रतिभा यादेखील प्रचाराच्या मैदानात उतरल्याचं दिसून आलं. त्यांनी ठिकठिकाणी गाठीभेटी युगेंद्र पवार यांना मतदान करण्याचं आवाहन केलं. प्रचाराच्या शेवटच्या टप्प्यात अजित पवार यांच्याकडून गावागावात जाऊन केलेल्या कामाचं प्रचार करण्यात आला. बारामती विधानसभा मतदारसंघातील काका-पुतण्याची लढाई ही अत्यंत चुरशीची होणार असल्यानं या निवडणुकीकडे सर्वांचे लक्ष लागले आहे.

प्रतिभा पवार यांनी प्रचार केल्यानं अजित पवार नाराज उपमुख्यमंत्री अजित पवार नुकतेच एका गाव भेटीत म्हणाले," 1991 पासून तआत्तापर्यंत मला तुम्ही निवडून दिलं. पण कधीही प्रतिभा काकू आल्या नाहीत. पण आता का नातवाचा एवढा पुळका आलाय माहित नाही. निवडणूक झाल्यावर मी काकींना विचारणार आहे की, का एवढं तुम्हाला नातवाचा पुळका का आला होता.आत्ता ती वेळ नसून कधीही अशी गोष्ट आपण केली नाही. त्यामुळे भावनिक होऊ नका."

हेही वाचा-