मुंबई - मुंबईतील सीबीआयच्या विशेष कोर्टाने अंडरवर्ल्ड डॉन छोटा राजनला खुनाच्या प्रयत्नाच्या खटल्यात दहा वर्षाच्या तुरुंगवासाची शिक्षा सुनावली. 2013 मध्ये अजय गोसालिया या बुकीचा खून करण्याचा प्रयत्न केल्याबद्दल कोर्टाने छोटा राजनला दहा वर्षांची शिक्षा सुनावली.
मंगळवारी 1957 मध्ये जन्मलेला राजेंद्र निकलजे उर्फ छोटा राजन नावाचा हा कुख्यात आंतरराष्ट्रीय गुन्हेगार सह-आरोपींसह दोषी आढळला. त्याला 10 वर्षांची शिक्षा सुनावण्यात आली. तसेच पाच लाख रुपयांचा दंड ठोठावण्यात आला आहे. तक्रारदारानुसार, 52 वर्षीय अजय गोसालिया उर्फ गेंडा प्रथम बुकी होता. नंतर तो बिल्डर बनला. 28 ऑगस्ट 2013 रोजी त्याला तीन जणांनी गोळ्या घातल्या. हा हल्ला मुंबईतील मालाड मधील इन्फिनिटी मॉल बाहेर करण्यात आला होता.
छोटा राजनने दिले होते गोळीबार करण्याचे आदेश-
याप्रकरणात छोटा राजन याने गोळीबार करण्याचे आदेश दिले होते. सीबीआयने त्यांचा विश्वासू सतीश कालिया यांच्यावर गोळीबार केला. त्या हल्ल्यात गोसालियाला गंभीर दुखापत झाली. पण गोळी लागूनही तो तेथून पळून जाण्यात यशस्वी झाला. या प्रकरणात, 28 ऑगस्ट 2013 रोजी बांगुर नगर पोलीस ठाण्यात आयपीसीच्या शस्त्रास्त्र कायद्याच्या कलम 307, 12 बी, कलम 3, 25 अन्वये अज्ञात लोकांविरूद्ध एफआयआर नोंदविण्यात आला. हे प्रकरण काही दिवसानंतर मुंबई पोलिसांच्या सीबी सीआयडीकडे वर्ग करण्यात आले. काही दिवसानंतर या प्रकरणात महाराष्ट्र संघटित गुन्हेगारी नियंत्रित कायदा (मकोका) लागू करण्यात आला. नोव्हेंबर 2013 मध्ये आरोपींविरूद्ध स्पेशल युनिटने आरोपपत्र दाखल केले.
यापूर्वी जन्मठेपेची शिक्षा-
या प्रकरणात 3 आरोपी प्रकाश निकम, सतीश कालिया आणि छोटा राजन हे वॉन्टेड होते. परंतु नंतर निकम आणि कालिया यांना पत्रकार जे डे खून प्रकरणात अटक केली गेली आणि गोसालिया प्रकरणात तपास यंत्रणेने आरोपपत्रही दाखल केले.
राजनला बाली येथून भारतात आणल्यानंतर हे प्रकरण सीबीआयकडे सोपविण्यात आले. आता अखेर मुंबईच्या विशेष कोर्टाने या प्रकरणातील 8 आरोपींवरील आरोप निश्चित केले आहेत. छोटा राजनला यापूर्वी पत्रकार जे डे खून प्रकरणात जन्मठेपेची शिक्षा सुनावण्यात आली आहे.
हेही वाचा- वाझे प्रकरणाने महाविकास आघाडीत पुन्हा 'डॅमेज कंट्रोल'
