मुंबई- मुंबईकरांना मराठी नवीन वर्षानिमित्ताने मोठी भेट मिळणार आहे. महाराष्ट्राचे मुख्यमंत्री उद्धव ठाकरे यांच्या हस्ते गुढी पाडव्याला मुंबई मेट्रोच्या दोन नव्या लाईनचे उद्घाटन होणार आहे.
तब्बल ८ वर्षानंतर मुंबईकरांच्या सेवेत मेट्रो ७' ( Metro 2A ) आणि 'मेट्रो २ए' ( Metro 7 ) या नव्या मार्गिका येणार आहेत. यामुळे मुंबईकरांची वाहतूक कोंडीतून ( traffic congestion in Mumbai ) सुटका होणार आहे. मुंबईतील नागरिकांना दोन नव्या मेट्रो मार्गिका मिळणार ( two new metro lines in Mumbai ) आहेत. या दोन्ही मार्गिकांचे खास वैशिष्ट्य म्हणजे या मेट्रो विना ड्रायव्हर ( driverless metro in Mumbai ) असणार आहेत. काही दिवसांपूर्वीच आदित्य ठाकरे, एकनाथ शिंदे यांनी या मेट्रोचे ट्रायलरन्स मध्ये सहभाग घेतला होता. मुंबईमध्ये मेट्रो ७ आणि २ ए या मार्गावर एकत्रिपणे पहिल्या टप्प्यामध्ये २० किलोमीटर धावणार आहे. त्यानंतर या मार्गाच्या दुसऱ्या टप्प्यात १५ किमी धावणार आहे. मुंबई 'मेट्रो ७' चे तिकिट किमान १० रुपये असणार आहे. कमाल दर ८० रुपये असणार आहेत.
हेही वाचा-Families Boycott Yavatmal : धक्कादायक! अत्याचाराला कंटाळून साठ कुटुंबाचे जंगलात वास्तव्य
मेट्रो २ अ मार्ग
'मेट्रो २ अ' हा १८.५ किमी लांबीचा असणार आहे. दहिसर पश्चिम ते डीएन नगर स्थानकापर्यंत 'मेट्रो २ अ' मार्ग असणार आहे. या मार्गात दहिसर पूर्व, अप्पर दहिसर, कांदरपाडा, मंडपेश्वर, एकसर, बोरिवली (पश्चिम), शिंपोली, कांदिवली (पश्चिम), धनुकरवाडी, वलणई, मालाड (पश्चिम), लोअर मालाड, पहाडी गोरेगाव, गोरेगाव (पश्चिम), ओशिवरा, लोअर ओशिवरा आणि डीएन नगर असे स्थानके असतील.
हेही वाचा-Sadabhau Khot Criticized Sharad Pawar : शरद पवार जाईल तिथे आग लावतात, त्यांचे आडनाव 'आगलावे' ठेवावे - सदाभाऊ खोत
मेट्रो-७ मार्ग
मेट्रो-७ मार्गावर १४ स्थानके असणार आहेत. दहिसर पूर्व, ओवरीपाडा, संजय गांधी राष्ट्रीय उद्यान, देवीपाडा, मागाठाणे, पोईसर, आकुर्ली, कुरार, दिंडोशी, आरे , गोरेगाव पूर्व (महानंद डेअरी), जोगेश्वरी पूर्व (जेव्हीएलआर जंक्शन), शंकरवाडी, गुंदवली (अंधेरी पूर्व) या स्थानकांचा समावेश आहे.
हेही वाचा-Accident In Aaditya Thackeray Security : आदित्य ठाकरेंच्या ताफ्यातील पोलिसांच्या गाड्यांना अपघात
