नवी मुंबई - कोरोना काळात कित्येक कुटूंब आर्थिक संकटात सापडली आहेत. त्यामुळे कित्येक जण आपले जीवन संपवण्यासाठी प्रवृत्त होत आहेत. अशीच घटना नवी मुंबईच्या वाशीमधील सेक्टर 6 परिसरात घडली आहे. येथे एकाच कुटूंबातील तिघांनी आत्महत्या केली असून ही आत्महत्या त्यांनी आर्थिक नैराश्यातून केल्याची माहिती समोर आली आहे. त्या संदर्भात त्यांनी एक चिठ्ठीही लिहिली होती. मोहिनी कामवानी (८७), मुलगा दिलीप कामवानी (६७), मुलगी कांता कामवानी (६३), असे आत्महत्या केलेल्या तिघांची नावे आहे.
उंदीर मारायचे औषध घेऊन आत्महत्या -
परवा रात्री उंदीर मारायचे औषध घेऊन तिघांनी आत्महत्या करण्याचा केला प्रयत्न केला होता. अवस्थ वाटू लागल्याने त्यांना वाशी येथील महानगर पालिका रूग्णालयात दाखल केले. मात्र, काल सकाळी आईचा आणि रात्री मुलांचा उपचारा दरम्यान मृत्यू झाला. या घटनेमुळे वाशी परिसरात हळहळ व्यक्त होत आहे.
हेही वाचा - मुंबईचे माजी पोलीस आयुक्त परमबीरसिंह हे बेल्जियमध्ये; संजय निरूपम यांचा दावा
