मुंबई - आरे कॉलनीतील मेट्रो कारशेडच्या बांधकामांविरोधात अरेवासीयांनी पुन्हा एकदा आंदोलनाचा पवित्रा घेतला आहे. (2019)साली आदित्य ठाकरे यांनी मेट्रो कारशेड इतर ठिकाणी नेण्यात येईल असे आश्वासन दिले होते. (Save Aarey Campaign) मात्र, अद्यापही मेट्रो कारशेडचे काम सुरू असल्याने हे आंदोलन केले आहे.
आदित्य ठाकरे होश में आवो च्या घोषणा
'सेव्ह आरे' या मोहिमे अंतर्गत आंदोलन सुरु असून महाविद्यालयीन तरुणांकडून येथे आंदोलन सुरू आहे. यावेळेस आदित्य ठाकरे होश में आवोच्या घोषणा देखील दिल्या जात आहेत.
या संदर्भात बोलताना आंदोलन कार्यकर्ते म्हणतात की, "आताच्या पर्यावरण मंत्र्यांनी (2019)साली शब्द दिला होता. मात्र, तो त्यांनी स्वतः कॅबिनेट मंत्री झाल्यावर पाळला नाही. मेट्रोच्या कारशेड संदर्भात सरकारकडे कोणताही ठोस प्लॅन नाहीये. त्यांना नक्की किती जागा लागणार आहे ते देखील माहिती नाही. ठोस जागेची माहिती नसताना प्रशासन कशाच्या आधारावर आरेतील झाडे तोडत आहे हा न कळणारा मुद्दा आहे."
मुंबईचं फुफुस अशी आरेची ओळख
आरे जंगल हे मुंबईच्या अगदी मध्यभागी असून संपूर्ण मुंबईला ऑक्सिजन पुरवठा करण्याची क्षमता आरेमध्ये आहे. इतक विस्तीर्ण पसरलेले जंगल असल्याने या जंगलाला मुंबईच फुफुस असे देखील म्हटले जाते. इथे जैवविविधता देखील मोठ्या प्रमाणात आढळते. मेट्रोसाठी मोठ्या प्रमाणात वृक्षतोड झाल्यास जैवविविधता धोक्यात येऊ शकते.
हेही वाचा - Kusumagraj Jayanti : मराठी भाषा गौरव दिनानिमित्त साहित्य क्षेत्रातील मान्यवरांच्या प्रतिक्रिया
