मुंबई - दुपारी 1च्या सुमारास चेंबूरच्या पेस्तम सागर परिसरात झाड कोसळून दोन लहान मुले जखमी झाली आहेत. त्यांना घाटकोपराच्या राजावाडी रुग्णालयात उपचारासाठी भरती करण्यात आले आहे. यातील एका मुलाची प्रकृती गंभीर आहे.
चेंबूरमध्ये दोन मुलांच्या अंगावर झाड कोसळले
चेंबूरच्या पेस्तम सागर परिसरातील रोड क्रमांक 6 वर रस्त्यावर दोन लहान मूले सायकल खेळत असताना त्यांच्या अंगावर जूने वड, पिंपळ आणि जांभूळ असे एकत्र असलेले झाड कोसळले. दोनही मुले 5 वर्ष सात वयोगटातील असल्याची माहिती आहे. यातील एक मुलगा गंभीर जखमी आहे. घटनास्थळी अग्निशमन दलाची गाडी आणि टिळकनगर पोलीस पोहोचले असून झाड कापून बाजूला काढण्याचे काम सुरू आहे.
