मुंबई - राज्यातील मुस्लिम महिलांची ऑनलाइन बदनामी करणाऱ्या एका ॲपवर ( Offensive App ) कारवाई करून गंभीर दखल घ्यावी, असे निर्देश राज्य महिला आयोगाने दिले ( State Women Commission ) आहेत. 'सुली डील' नावाच्या एका ऑनलाइन ॲपवर मुस्लिम महिलांचे फोटो प्रसारित करून त्यांच्यापुढे काही किंमत छापण्यात आल्याची धक्कादायक माहिती समोर आली आहे. महिलांची बदनामी करून राजकीय डाव ठेवून कुणी समाजामध्ये तेढ निर्माण करण्याचा प्रयत्न करत असेल तर ते खपवून घेतले जाणार नाही, असा इशारा राज्य महिला आयोगाचे अध्यक्ष रूपाली चाकणकर ( Rupali Chakankar ) यांनी दिला आहे.
महिला व बालविकास मंत्री ठाकूर यांनीही कारवाईच्या दिल्या होत्या सूचना
याबाबत राज्य महिला आयोगाने गंभीर दखल घेतली असून अशा महिलांची बदनामी करणाऱ्या आक्षेपार्ह ॲपवर ताबडतोब कारवाई करावी आणि संबंधितांवर सायबर गुन्हे अन्वेषण विभागामार्फत गुन्हे दाखल करावेत, असे निर्देश महिला आयोगाच्या अध्यक्षा चाकणकर यांनी दिले आहेत. राज्याच्या महिला आणि बालविकास मंत्री अॅड. यशोमती ठाकूर ( Minister Yashomati Thakur ) यांनीही महिलांची ऑनलाइन बदनामी केली जात असल्याप्रकरणी नुकतीच सायबर गुन्हे विभागाच्या पोलीस उपायुक्त रश्मी करंदीकर यांची भेट घेऊन त्यांना सक्त कारवाईच्या सूचना दिल्या होत्या.
दोषींवर कारवाई करावी - शिवसेना
विविध क्षेत्रातील नामवंत मुस्लिम महिलांची इंटरनेटवर फोटो ऑनलाइन अॅपवर अपलोड करून आक्षेपार्ह मजकूर प्रसिद्ध केला जात आहे. दिल्लीत एका महिलेने असे प्रसिद्ध केलेले फोटो ट्वीटरवर शेअर केल्यानंतर धक्कादायक प्रकार उघडकीस आला. महिलेने त्यानंतर दिल्ली पोलिसांमध्येही तक्रार केली. शिवसेनेच्या राज्यसभा खासदार प्रियंका चतुर्वेदी ( MP Priyanka Chaturvedi ) यांनी हा मुद्दा उचलून धरत, मुंबई पोलिसांकडे धाव घेऊन तक्रार केली आहे. तसेच सायबर सेलला कारवाई करावी, अशी विनंती केली आहे. चुकीच्या पद्धतीने महिलांच्या फोटोंचा वापर केला जात आहे. मुंबईतील काही जणांचा यात समावेश असल्याचा चतुर्वेदी यांचा आरोप आहे.
हेही वाचा - Malik Vs Ncb : एनसीबी चा मागील वर्षाचा फर्जीवाडा या वर्षीही समोर आणणार- नवाब मलिक
