मुंबई - भीमा कोरेगाव प्रकरणांमध्ये 23 फेब्रुवारीला चौकशी आयोगासमोर उपस्थित राहण्यासंदर्भात राष्ट्रवादी काँग्रेसचे अध्यक्ष शरद पवार यांना समन्स बजावण्यात आला होता. मात्र त्यादिवशी आपल्याला चौकशी आयोगासमोर उपस्थित राहता येणार नाही. त्यामुळे आपल्याला साक्ष नोंदविण्यासाठी पुढची तारीख मिळण्याबाबतचे पत्र शरद पवार यांच्याकडून चौकशी आयोगाला देण्यात आले असल्याची माहिती राष्ट्रवादी काँग्रेसचे प्रवक्ते नवाब मलिक यांनी दिली आहे. शरद पवार हे काल चौकशी आयोगासमोर उपस्थित असल्याची माहिती समोर आली होती. मात्र शरद पवार यांनी चौकशी आयोगासमोर साक्ष नोंदवण्यासाठी पुढची तारीख पत्राद्वारे मागितली असल्याचं यावेळी नवाब मलिक यांनी त्यांच्या राहत्या घरी प्रसारमाध्यमांशी संवाद साधताना सांगितले.
साक्ष नोंदवण्यासाठी शरद पवारांनी मागितली पुढची तारीख
