मुंबई - यंदाच्या निवडणुकीला एमआयएमने 52 उमेदवार उभे केले असून, आम्ही वंचित, सर्व जातीतील संधी न मिळालेल्या लोकांना आपल्या पक्षातून तिकीट दिल्याचे ओवैसी यांनी म्हटले आहे. तसेच वंचित सोबत आमची युती काही जागांच्या वादामुळे झाली नसल्याचे मी व माझ्या पक्षातील पदाधिकाऱ्यांनी अनेक वेळा सांगितल्याचे ते म्हणाले. एमआयएमचे अध्यक्ष असदुद्दीन ओवैसी यांनी विधानसभेच्या पार्श्वभूमीवर पत्रकार परिषद घेतली. यावेळी खासदार इम्तियाज जलील व पक्षाचे राज्यातील पदाधिकारी उपस्थित होते.
2014 पासून 2018 मोठ्या प्रमाणात शेतकऱ्यांनी आत्महत्या केल्या आहेत. तसेच शेतकऱ्यांचे कर्ज, जीएसटी, रोजगार, असे अनेक मुद्द्यांवर दिलेले आश्वासन सरकार पूर्ण करू शकलेले नसल्याने ते त्याबद्दल भाष्य करत नाहीत, असा ओवैसींनी आरोप केला. यावेळी आर्टिकल 370 चा मुद्दा घेऊन आम्ही निवडणूक लढणार असल्याची माहिती त्यांनी दिली. तसेच माझी राजकारणातील भूक ही मोठी असल्याने मी पक्ष वाढवत जाणार आहे, असे ते म्हणाले.
हेही वाचा ओवैसी माझे 'गॉडफादर'; युतीच्या चर्चेसाठी आजही तयार - इम्तियाज जलील
निवडणुकीतील ईव्हीएम मशीनच्या वापराबद्दल प्रश्न विचारल्यावर, आमचे इम्तियाज जलील त्यानेच निवडणूक आल्याने मी ईव्हीएम संदर्भात बोलल्यास ते हास्यास्पद होईल, असे ते म्हणाले.
मुंब्रा, वर्सोवा तसेच इतर भागातील 2014 मधील पक्षाच्या उमेदवारांना यावेळी उमेदवारी दिलेली नसून, त्यांना विश्वासात घेऊन आम्ही मजबूत उमेदवार उभ केल्याचे ओवैसी यांनी सांगितले. मुस्लीम नागरिकांच्या आरक्षणासंदर्भात बोलताना, मुस्लीम आरक्षणासाठी एमआयएमने सर्वात जास्त मोर्चे आंदोलन काढले असून, आर्थिक, शैक्षणिक बाबींवर या समाजाला आरक्षण मिळाण्यावर आम्ही ठाम असल्याची भूमिका त्यांनी मांडली.
