मुंबई - उपमुख्यमंत्री अजित पवारांचे सुपुत्र पार्थ पवार यांनी सुशांतसिंह राजपूत आत्महत्या प्रकरणाचा तपास सीबीआयकडे देण्याची मागणी केली होती. यावर राष्ट्रवादीचे अध्यक्ष शरद पवार यांना माध्यमांनी विचारल्यानंतर त्यांनी, “माझ्या नातवाच्या बोलण्याला आम्ही कवडीचीही किंमत देत नाही, असे म्हटले होते. तसेच तो इमॅच्युअर आहे, असे पवार म्हणाले. यावरून पुन्हा पवार विरुद्ध पवार असा संघर्ष समोर आला होता. आता या प्रकरणाचा तपास सीबीआय करणार असल्याचे सर्वोच्च न्यायालयाने स्पष्ट केले आहे. त्यानंतर लगेचच पार्थ पवार यांनी 'सत्यमेव जयते' असे सूचक ट्वीट केले आहे.
-
सत्यमेव जयते!
— Parth Pawar (@parthajitpawar) August 19, 2020 " class="align-text-top noRightClick twitterSection" data="
">सत्यमेव जयते!
— Parth Pawar (@parthajitpawar) August 19, 2020सत्यमेव जयते!
— Parth Pawar (@parthajitpawar) August 19, 2020
पार्थ यांनी स्वत:च्या महाविकास आघाडी सरकारविरोधात भूमिका घेऊन पक्षाला घरचा आहेर दिला होता. यानंतर शरद पवार यांनी पार्थला धारेवर धरले. त्यांचा इमॅच्युअर असा उल्लेख करून पवारांनी या प्रकरणावर पडदा टाकला. यानंतर पवार कुटुंबीयांतील वाद पुन्हा चव्हाट्यावर आले.
सीबीआय चौकशीबाबत बोलायचं, तर मी म्हणेन, महाराष्ट्र पोलीस आणि मुंबई पोलिसांवर माझा पूर्ण विश्वास आहे. पण जर कोणी म्हणत असेल, अन्य चौकशीबाबत, तर त्याला विरोध असण्याचं कारण नाही”, असं शरद पवार म्हणाले होते.
महाविकास आघाडी सरकार आणि गृहमंत्री अनिल देशमुख यांनी सुशांतसिंह आत्महत्या प्रकरणाचा तपास मुंबई पोलीस करणार असल्याचे स्पष्ट केले होते. मात्र सुशांतच्या कुटुंबीयांनी केंद्रीय गुन्हे अन्वेषण विभागाकडे तपास देण्याची मागणी केली. या प्रकरणात रिया चक्रवर्तीने सर्वेच्च न्यायालयाचा दरवाजा ठोठावला. त्यानंतर आज झालेल्या सुनावणीत सुशांतसिंहच्या आत्महत्या प्रकऱणाचा तपास सीबीआयकडे देण्याचे निर्देश सर्वोच्च न्यायालयाने दिले आहेत. यासाठी संबंधित सर्व कागदपत्रांची तसेच पुराव्यांची पूर्तता मुंबई पोलिसांनी सीबीआयला करावी, असे यामध्ये नमूद आहे.
