मुंबई - अंधेरी महाकाली गुफा येथे झाड पडून एक युवक जखमी झाला होता. त्याला जवळच्या रुग्णालयात दाखल करण्यात आले. मात्र, रुग्णालयात उपचार सुरू असतानाच त्याचा आज सकाळी मृत्यू झाला. अनिल घोसाळकर असे मृताचे नाव आहे.
घटनेबाबत माहिती देताना मृतकाचा भाऊ
गुरूवारी सकाळी अंधेरी महाकाली गुफा रोड येथील तक्षशिला सोसायटी येथे गुरूवारी सकाळी एक झाड कोसळले. त्यात अनिल जखमी झाला. त्याला हॉलिस्पिरीट रुग्णालयात उपचारासाठी दाखल करण्यात आले होते. उपचार सुरू असताना आज पहाटे त्याचा मृत्यू झाला. अनिल जोगेश्वरी येथे राहत असून ड्रायव्हर म्हणून काम करत होता फोनवर बोलत असताना अचानक त्याच्या अंगावर झाड पडल्यामुळे त्याचा मृत्यू झाला, अशी माहिती अनिलचा भाऊ योगेश घोसाळकर याने दिली.
