मुंबई - गोवंश हत्याबंदीनंतर बकरी ईदसाठी राज्यात ऊंटांच्या कत्तलीसाठी कायद्यात दुरुस्ती करून वर्षभर उंटांची कत्तल कायदेशीर करावी, उंटपालन शेतकऱ्यांना फायदेशीर ठरेल, अशी मागणी मुख्यमंत्री देवेंद्र फडणवीस यांच्याकडे करण्यात आली आहे. उंट बंदीमुळे मुस्लीम समुदायावर विपरीत परीणाम होतो. बकरी ईद आणि संपूर्ण वर्षात जनावरांचे बळी देऊ शकत नाही. यामुळे सामाजिक कार्यकर्ते फारूक धाला आणि इरफान माछीवाला यांनी ही मागणी केली आहे.
उंटांच्या प्रजननामुळे महाराष्ट्रातील शेतकऱ्यांचे उत्पन्न वाढले आहे. उंटांच्या पैदाशीमुळे जातीय सलोखा वाढेल. शेतकर्यांचे उत्पन्न वाढेल आणि आत्महत्येचे प्रमाण खाली येईल. उंट कत्तल कायदेशीर करण्यासाठी कायद्यात बदल करुन हस्तक्षेप करून तोडगा काढण्यासाठी मुस्लीम सामाजिक संघटनानी महाराष्ट्र राज्य सरकारला विनंती केली आहे. त्यानुसार संपूर्ण वर्ष आणि बकरीईदला उंट कत्तल करण्यास परवानगी देण्यास स्थानिक संस्थांना सूचना देण्यात याव्यात, अशी मागणी त्यांनी केली आहे. राज्य सरकारने उंटांसाठी कत्तलखान्यांची स्थापना करण्याचा विचार करावा. महाराष्ट्रातील आर्थिक वाढ आणि शेतकऱ्यांना अधिक पैसे मिळवण्याची संधी मिळेल. उंट निर्यातीत चांगला वाव आहे, असे ही या सामाजिक मुस्लीम संघटनानी म्हटले आहे.
उंटाचे फायदे -
उंटाचे मूत्र आणि दुधाची शेतकरी विक्री करु शकतात, कारण त्यांच्यामध्ये औषधी गुणधर्म आहेत. उंट वाहतूक आणि कत्तलखान्यांसाठी सुविधा निर्माण केली जावी. उंटाचे मांस आरोग्यासाठी चांगले आहे. या जनावरामध्ये कमी चरबी असते. चरबीमध्ये कोलेस्टेरॉलचे प्रमाण कमी असते. उटाच्या मांसामध्ये पॉलीअनसॅच्युरेटेड फॅटी अँसिडचे प्रमाण जास्त असते. मुस्लीमांना उंटांची कत्तल करण्यास परवानगी दिली गेली तर ते देण्यास पुरेसे मांस असेल गरीब आणि गरजू बांधवाना होईल. उंट दुधाचे फायदे लोह, प्रथिने आणि व्हिटॅमिन सी आणि चरबी कमी प्रमाणात असलेले, येथे उंटच्या दुधाचे काही अद्भुत आरोग्य फायदे आहेत. हे कुपोषित शिशुंसाठी फायदेशीर आहे. यामुळे कोलेस्टेरॉल कमी होते, ते रक्तदाब नियंत्रित करते. उंट लघवीचे फायदे यामध्ये पोटॅशियम, प्रथिने आणि सोडियमचे प्रमाण जास्त आहे. हे मास त्वचा, यकृत, पोट, आतडे, दमा, मधुमेह, पाचक, दातदुखी, रक्त गठ्ठा, व्रण यासारख्या आजारांवर उपचार करते. डोक्यातून डोक्यातील कोंडा दूर करते, असे सामाजिक कार्यकर्ते फारूक धाला आणि इरफान माछीवाला यांनी म्हटले आहे.
