मुंबई - मुंबई पोलिसांनी मोठी कारवाई केली आहे. 6 किलो 560 ग्रॅम चरससह एका आरोपीला अटक केली ( Mumbai Police Arrested Drug Smuggler ) आहे. जप्त करण्यात आलेल्या चरसची किंमत आंतराष्ट्रीय बाजारात किंमत 1 कोटी 95 लाख रुपये आहे. पोलिसांनी आरोपीविरोधात एनडीपीएस कायद्यान्वये गुन्हा दाखल केला आहे.
विजय चौहान असे अटक आरोपीचे नाव असून तो ३२ वर्षांचा असून, तो मुंबईतील मालवणी येथे राहतो. पोलिसांनी सांगितले की, आरोपी उत्तर प्रदेशातील कानपूर येथून चरसचा व्यवसाय करण्यासाठी मुंबईत आला आहे. याबाबतची माहिती मिळताच दहिसर पोलिसांच्या पथकाने सापळा रचून चेक नाक्याजवळ चरससह आरोपीला रंगेहाथ अटक केली.
आरोपीच्या संबधित किती लोक आहेत. किती वर्षापासून आरोपी चरसचा व्यवसाय करत आहे, याचा पोलीस पुढील तपास करत आहेत. दरम्यान, मुंबई पोलिसांच्या अमली पदार्थविरोधी पथकाने फेब्रुवारी महिन्यात मोठी कारवाई केली आहे. या कारवाईत 4 कोटी रुपयांपेक्षा अधिक किंमतीचे अमली पदार्थ जप्त केले आहे. तसेच, 97 गुन्ह्यांमध्ये 116 आरोपींविरुद्ध गुन्हा दाखल करून अटक करण्यात आली आहे.
हेही वाचा - Pune Crime News : शिवसेना नेत्यावर बलात्काराचा आरोप करणाऱ्या तरुणीचा आत्महत्येचा प्रयत्न
