मुंबई - अभिनेता अरमान कोहलीला मुंबई उच्च न्यायालयाने दिलासा दिला आहे. एनसीबीने दाखल केलेल्या एनडीपीएसच्या खटल्यात 1 लाखांच्या जामीनावर सुटका Actor Armaan Kohli mumbai High Court granted bail करण्याचे निर्देश न्यायालयाने दिले आहे. अभिनेता सुशांत सिंग राजपूत आत्महत्या प्रकरणानंतर एनसीबीने ड्रग्स प्रकरणात अटक करण्यात आली होती. एनसीबीने अरमान कोहलीला 2021 मध्ये अटक केली होती.
अभिनेता सुशांत सिंग राजपूत आत्महत्या प्रकरणानंतर एनसीबीने अनेक कलाकारांवर छापेमारी करण्यात आली होती. नार्कोटिक्स कंट्रोल ब्युरोने 1.2 ग्रॅम कोकेन ताब्यात घेतल्याबद्दल अटक केली होती. यापूर्वी अरमान कोहली चे मुंबई सत्र न्यायालय आणि मुंबई उच्च न्यायालयाने जामीन फेटाळला होता. कोहलीला नार्कोटिक्स कंट्रोल ब्युरोने 1.2 ग्रॅम कोकेन ताब्यात घेतल्याबद्दल अटक केली होती. हे प्रमाण सेवनासाठी असलेल्या लहान श्रेणीमध्ये येते, असे अरमानच्या वकीलाचे म्हणणे आहे. एका ड्रग तस्कराला अटक केल्यानंतर त्याला अटक करण्यात आली होती आणि नंतर NCB ने देखील अटक केली होती. याप्रकरणामध्ये अम्ली पदार्थ विकणारा व्यक्ती कुणी दुसराच असल्याचे सांगण्यात आले आहे.
एनसीबीची तक्रारीत असे म्हटले आहे की, या प्रकरणातील दोन आरोपी हे मुख्य पुरवठादार होते. जे नियमितपणे अंमली पदार्थांचा पुरवठा करत होते. त्यांनी आरोप केला की, आरोपींच्या भूमिका एकमेकांशी जोडलेल्या आणि गुंफलेल्या आहेत. आणि वेगळ्या पद्धतीने हाताळल्या जाऊ शकत नाहीत. युक्तिवादादरम्यान आरमानच्या वकीलाने अभिनेत्री रिया चक्रवर्ती प्रकरणावर टीका केली. ज्याला 2020 मध्ये नोंदवलेल्या गुन्ह्यात एनसीबीने अजामीनपात्र कलम लावले होते. परंतु उच्च न्यायालयाने जामीन मंजूर केला होता.
अरमानकडे सापडलं अमेरिकन कोकेन : NCBनं अरमानच्या घरावर छापा टाकल्यानंतर त्याच्याकडे अमेरिकन कोकेन सापडलं आहे. महत्त्वाचं म्हणजे हे अमेरिकन कोकेन विशेष आणि महागड असतं. त्यामुळे हे अरमानकडे आलं कसं याबद्दल आता तपास सुरू करण्यात आला आहे. आता ड्रग्स तस्करांची कोणती गॅंग यात सहभागी आहे, हे ड्रग्स कसं आणलं जातं हे शोधण्यावर आता एनसीबीचा भर असणार आहे.
ड्रग्स पेडलर्सकडून मिळाली माहिती : मागील काही दिवसांपासून NCB ने ड्रग्स तस्करीविरोधात मोठी मोहीम हाती घेतली आहे. या मोहिमेंतर्गत मुंबईमध्ये वेगवेगळ्या ठिकाणी छापेमारी केली. या कारवाईमध्ये NCB च्या अधिकाऱ्यांनी 15 पेक्षा अधिक ड्रग्स पेडलर्सना अटक केली आहे. NCB चे अधिकारी या ड्रग्स तस्करांची चौकशी करत आहेत. चौकशीदरम्यान ड्रग्स तस्करीमध्ये अभिनेता अरमान कोहलीचा समावेश असल्याची माहिती NCB ला मिळाली. त्यानंतर याच माहितीच्या आधारे एनसीबीने शनिवारी अरमान कोहलीच्या घरावर छापेमारी केली. या कारवाईत एनसीबीला अरमानच्या घरी ड्रग्स सापडले.
कोण आहे अरमान कोहली? : अरमान कोहली हा ज्येष्ठ दिग्दर्शक राजकुमार कोहली आणि ज्येष्ठ अभिनेत्री निशी यांचा मुलगा आहे. बदले की आग आणि राज तिलक या सिनेमातून बालकलाकार म्हणून अरमानने सिनेसृष्टीत प्रवेश केला होता. हे दोन्ही सिनेमे त्याच्या वडिलांनी म्हणजे राजकुमार कोहली यांनी दिग्दर्शित केले होते. विरोधी, दुश्मन जमाना, औलाद के दुश्मन, वीर, कहर, जानी दुश्मन यांसारख्या सिनेमात अरमानने काम केलेले आहे. त्यानंतर मध्ये 12 वर्षांचा ब्रेक घेतल्यानंतर सलमानच्या प्रेम रतन धन पायो सिनेमातही तो दिसला होता. 2013 सालच्या बिग बॉसच्या सीझनमध्येही अरमान सहभागी झाला होता. जानी दुश्मन या चित्रपटातही त्याने काम केलेले आहे.
