मुंबई - विधानसभेमध्ये एकनाथ शिंदे गटाने उद्धव ठाकरे ( Uddhav Thackeray Shiv Sena Members membership ) यांच्या शिवसेनेला धक्का दिला होता. मात्र, विधान परिषदेमध्ये उद्धव ठाकरे यांच्या शिवसेनेने एकनाथ शिंदे गटाला धक्का दिला आहे. आज असलेल्या विधिमंडळ कामकाज सल्लागार समितीच्या बैठकीत विधानपरिषदेच्या कामकाजाच्या बैठकीबाबत विधान परिषद ( maharashtra Legislative Council ) विरोधी पक्षनेते म्हणून अंबादास दानवे आणि विधानपरिषद ( Working Advisory Committee ) सदस्य म्हणून अनिल परब यांना आमंत्रित करण्यात आले आहे. विधान परिषदेत उद्धव ठाकरे यांच्या ( membership of the Working Advisory Committee ) शिवसेनेच्या सदस्यांची संख्या अधिक असल्याने विधान परिषदेवर शिवसेनेचा दबदबा आहे. यामुळेच विधान परिषदेच्या कामकाज सल्लागार समितीचे सदस्यत्व म्हणून उद्धव ठाकरे यांच्या शिवसेनेतील सदस्यांना सदस्यत्व देण्यात आले आहे.
हेही वाचा - Eyes of Farmers Are Teary कांदा उत्पादक शेतकऱ्यांना का रडवत आहे कांदा?
तर तेथेच विधानसभेच्या कामकाज सल्लागार समितीच्या बैठकीत एकनाथ शिंदे गटाने उद्धव ठाकरे यांच्या शिवसेनेला धक्का दिला आहे. एकनाथ शिंदे गटाकडून मंत्री उदय सामंत आणि मंत्री दादा भुसे यांच्या सदस्यत्वाला मान्यता मिळाली. शिवसेनेचे आमदार अजय चौधरी यांनी उद्धव ठाकरे यांच्या शिवसेनेला सदस्यत्व म्हणून मान्यता द्यावी, अशा मागणीचे पत्र केले होते. मात्र, विधानसभा अध्यक्ष राहुल नार्वेकर यांनी त्यांची ही मागणी धुडकावत एकनाथ शिंदे गटातील दोन मंत्र्यांना सदस्यत्व दिले.
अजय चौधरींचे पत्र - कामकाज सल्लागार समितीवरील सदस्यांच्या नियुक्तीबाबत विधानसभेतील विरोधी पक्षनेते अजित पवार यांच्यासह सर्व पक्षाच्या गटनेत्यांना विधिमंडळ सचिवांकडून पत्र पाठवले होते. मात्र, उद्धव ठाकरे यांच्या शिवसेनेला कोणतेही पत्र दिले नाही. त्यामुळे शिवसेनेचे विधिमंडळातील गटनेते अजय चौधरी यांनी विधानसभा अध्यक्षाना पत्र लिहून कामकाज समितीत सहभागी करून घेण्याची मागणी केली होती. तत्कालीन मुख्यमंत्री उद्धव ठाकरे यांनी शिवसेना गटनेतेपदी अजय चौधरी आणि सुनील प्रभू यांची शिवसेनेच्या प्रतोदपदी नियुक्ती केली आहे. शिवसेना अधिकृत पक्ष असून आम्हाला बैठकीला बोलवावे, अशी विनंती केली होती.
विधिमंडळाचे पावसाळी अधिवेशन १७ ऑगस्टपासून - शिंदे आणि फडणवीस सरकारचा महिनाभरापासून रखडलेला मंत्रिमंडळ विस्तार मंगळवारी पार पडला. शिंदे गटातील ९ आणि भाजपच्या ९ अशा एकूण १८ मंत्र्यांना राज्यपाल कोश्यारी यांनी पद आणि गोपनियतेची शपथ दिली. त्यानंतर लगेच विधिमंडळाच्या पावसाळी अधिवेशनाची घोषणा करण्यात आली. १७ ऑगस्टपासून पावसाळी अधिवेशन सुरू होणार आहे.
हेही वाचा - Raksha Bandhan Muhurat राखी बांधण्यासाठी हे आहेत शुभ मुहूर्त
