मुंबई : शिवसेनेतील बंडखोरीनंतर शिवसेना पक्षप्रमुख उद्धव ठाकरे यांच्यावर भाजपसह शिंदे गटाच्या नेत्यांकडून टीकास्त्र सुरू आहे. केंद्रीय मंत्री नारायण राणेंनी देखील उद्धव ठाकरेंची खिल्ली उडवली. शिवसेना नेत्या मनीषा कायंदे यांनी राणेंवर कडाडल्या. राणेु, तुमच्या अंगणात जे दोन धतुरे उगवलेत, त्यावर लक्ष द्या अशा शब्दांत समाचार घेतला. मुंबईमध्ये प्रसाद लाड यांनी स्वयंरोजगार मेळाव्याचे आयोजन केले होते. या मेळाव्यात बोलताना केंद्रीय मंत्री नारायण राणे यांनी उद्धव ठाकरे यांच्यावर बोचरी टीका केली होती.
-
अहो नारायण राणे, मातोश्री मध्ये चाफा फुलेल की नाही याची चिंता तुम्ही करू नका, परंतु तुमच्या अंगणामध्ये दोन धतुरे उगवले आहेत त्यांच्याकडे लक्ष द्या! pic.twitter.com/PKYZINjXRZ
— Dr.ManishaKayande (@KayandeDr) October 1, 2022 " class="align-text-top noRightClick twitterSection" data="
">अहो नारायण राणे, मातोश्री मध्ये चाफा फुलेल की नाही याची चिंता तुम्ही करू नका, परंतु तुमच्या अंगणामध्ये दोन धतुरे उगवले आहेत त्यांच्याकडे लक्ष द्या! pic.twitter.com/PKYZINjXRZ
— Dr.ManishaKayande (@KayandeDr) October 1, 2022अहो नारायण राणे, मातोश्री मध्ये चाफा फुलेल की नाही याची चिंता तुम्ही करू नका, परंतु तुमच्या अंगणामध्ये दोन धतुरे उगवले आहेत त्यांच्याकडे लक्ष द्या! pic.twitter.com/PKYZINjXRZ
— Dr.ManishaKayande (@KayandeDr) October 1, 2022
राणे म्हणाले होते, आमचे आशिष शेलार कवी आहेत. बोलता बोलता ते म्हणाले, चाफा बोलेना, चाफा उगवेना. पण असाही एक चाफा आहे जो उगवत नाही, फुलत नाही आणि त्याला वासही येत नाही. असा चाफा फक्त मातोश्रीतच आहे, बाकी कुठे नाही, अशा शब्दात राणे यांनी उद्धव ठाकरे यांना टोला लगावला होता. तसेच उद्धव ठाकरेंना बाळासाहेब ठाकरे यांच्या नखाची देखील सर नसल्याचे म्हटले होते. साहेब साहेब होते. साहेबांच्या नखाची सर या माणसाला नाही. बाळासाहेब आग होते.
या माणसाला आपण कोळसा देखील म्हणू शकत नाही, अशी घनाघाती टीका राणेंनी ठाकरे यांच्यावर केली होती. नारायण राणे यांच्या या वक्तव्याला शिवसेना नेत्या मनीषा कायंदे यांनी प्रत्युत्तर दिले. मातोश्रीच्या अंगणामध्ये चाफा फुलेल की नाही याची चिंता तुम्ही करू नका. परंतु तुमच्या अंगणात जे दोन धतुरे उगवलेत त्यांच्यावर तुम्ही लक्ष द्या, अशी टीका शिवसेना नेत्या मनीषा कायंदे यांनी केली आहे. त्यांनी या संदर्भातले एक ट्विटही केले आहे.
राणे स्वत: आणि त्यांची दोन्ही मुले मातोश्री आणि उध्दव ठाकरे तसेच आदित्य ठाकरेंवर कायम टीका करत असतात. ठाकरेंची शिवसेना नारायण राणे आणि त्यांच्या मुलाच्या टीके कडे दुर्लक्ष करत असतात. मात्र त्यांनी केलेली टीका हा चर्चेचा विषय होतो. राणे पुत्रांनी अलीकडेच मातोश्री आणि ठाकरे परीवारावर आरोप केले होत् त्या पार्श्वभुमीवर कायंदे यांनी खास स्टाईल मधे त्यांचा समाचार घेतला आहे.
