मुंबई - महाराष्ट्राला दुष्काळमुक्त करण्यासाठी पश्चिमेकडे वाहत जाणारे पाणी पूर्वेला कसे वळवता येईल, याबाबत आज शनिवारी जलसंपदा विभागाची आढावा बैठक घेण्यात आली. या प्रयोगासाठी काय उपाययोजना करता येईल, कसा प्रकारे त्याला गती देता येईल, याबाबत चर्चा झाली. या बैठकीला माजी कृषीमंत्री शरद पवार हे देखील उपस्थित होते.
हेही वाचा... 'कोट्यवधीचा निधी खर्च झालाय.. सिंचन घोटाळ्याचे सत्य पुढे आलेच पाहिजे'
मुंबईतील यशवंतराव चव्हाण सेंटर येथे ही बैठक पार पडली. शरद पवारांच्या उपस्थितीत झालेल्या या बैठकीत मराठवाड्यातील पाणी प्रश्नांबाबत काय उपाययोजना करण्यात येतील, याचा आढावा घेण्यात आला. यावेळी जलसंपदा विभागाचे प्रमुख अधिकारीही उपस्थित होते. मराठवाड्याला अतिरिक्त पाणी देण्याचा आमचा मानस आहे. तसेच नाशिक, जळगाव जिल्ह्याचा पाणी प्रश्नही सोडवला जाईल, असे जयंत पाटील यावेळी म्हणाले. यावेळी राज्याच्या जलसंपदा विभागाचे मंत्री आणि खात्याचे प्रधान सचिव आय. एस. चहल यांच्याकडून दमणगंगा-पिंजाळ नदीजोड प्रकल्प व पार-तापी-नर्मदा नदीजोड प्रकल्प, या आंतरराज्य नदीजोड योजनांबाबत आढावा घेण्यात आला.
हेही वाचा... भाजप मनसे एकत्र येवू शकतात - प्रवीण दरेकर
'आज शनिवारी जलसंपदा विभागाच्या अधिकाऱ्यांची बैठक बोलवण्यात आली होती. नाशिकमधुन पश्चिमेकडे जाणारे पाणी पुर्वेकडे घेऊन जाण्यासाठी काही वेगळ्या उपाययोजना कशा करता येईल.' त्याबाबत आढावा घेण्यात आला असल्याचे जलसंपदा मंत्री जयंत पाटील माध्यमांसोबत बोलताना म्हणाले.
हेही वाचा... 'मोदी सरकारने देशाची अर्थव्यवस्था उद्ध्वस्त केली, आता त्यांचा गोंधळ उडालाय'
'मराठवाड्याला पाणी कसे पुरवता येईल, तसेच पाणी गोदावरी खोऱ्यात नेण्यासाठी १९८० सालापासून पश्चिम वाहीनी नद्यांचे पाणी पुर्वेकडे आणण्यासाठी विचार चालू आहे. या बैठकीला स्वत: शरद पवार होते. त्यांनी देखील मार्गदर्शन केले आणि काही सुचना केल्या. मराठवाड्यातल्या शेतकऱ्यांना कसे सुखी करता येईल. याचा आम्ही विचार केला आहे', असे जयंत पाटील यावेळी म्हणाले. यावेळी लाचलुचपत प्रतिबंधक विभागाचे महासंचालक परमबीर सिंह आणि शरद पवार यांच्या भेटीबाबात त्यांना विचारले असता, पाटील यांनी आपल्याला काही माहिती नसल्याचे म्हटले आहे.
