रुग्णालयांच्या फायर ऑडिटचे निर्देश, मात्र मुंबईत आग प्रतिबंधक उपाय योजनांचे तीन तेरा !

विरारच्या विजय वल्लभ रुग्णालयाला लागलेल्या आगीनंतर राज्यभरातील रुग्णालयांचे फायर ऑडिट करण्याचे निर्देश देण्यात आले आहेत. या फायर ऑडिटचा रिपोर्ट दहा दिवसात दिले जाणार असून, ज्या रुग्णालयांकडून आग प्रतिबंधक उपाय योजनांच्या नियमांचे पालन केले गेले नसेल त्या रुग्णालयाचे परवाने रद्द करण्याचा इशारा आरोग्यमंत्री आणि वैद्यकीय शिक्षण मंत्र्यांकडून देण्यात आला आहे.

मुंबई - विरारच्या विजय वल्लभ रुग्णालयाला लागलेल्या आगीनंतर राज्यभरातील रुग्णालयांचे फायर ऑडिट करण्याचे निर्देश देण्यात आले आहेत. या फायर ऑडिटचा रिपोर्ट दहा दिवसात दिले जाणार असून, ज्या रुग्णालयांकडून आग प्रतिबंधक उपाय योजनांच्या नियमांचे पालन केले गेले नसेल त्या रुग्णालयाचे परवाने रद्द करण्याचा इशारा आरोग्यमंत्री आणि वैद्यकीय शिक्षण मंत्र्यांकडून देण्यात आला आहे. त्यामुळे आग प्रतिबंधक उपाययोजनांचे नियम मोडणार्‍या रुग्णालयांचे धाबे दणाणले आहेत.


विरारच्या विजय वल्लभ रुग्णालयात लागलेल्या आगीनंतर हॉस्पीटलमधील अग्निसुरक्षेचा मुद्दा ऐरणीवर आला आहे. या घटनेनंतर नेहमीप्रमाणे सर्व रुग्णालयांचे फायर ऑडीट करण्याची घोषणा आऱोग्यमंत्री राजेश टोपे यांनी केली. तसेच येत्या 10 दिवसात या रुग्णालयात आग विरोधक उपायोजनांची काय अवस्था आहे? याच ऑडिट केले जाणार असल्याचे आरोग्यमंत्री राजेश टोपे यांनी सांगितले आहे. या ऑडीटचा रिपोर्ट 10 दिवसात आरोग्यमंत्र्यांनी मागवला असून यात ज्या रुग्णालयात त्रुटी जाणवतील त्यांच्यावर कारवाई केली जाणार आहे. तसेच ज्या हॉस्पिटलने आग विरोधक उपायोजनांबद्दल गांभीर्याने घेतले नसेल त्यांचा परवानाही रद्द होऊ शकतो, असे संकेत आरोग्यमंत्र्यांकडून देण्यात आले आहेत.

तर तिथेच वैद्यकीय शिक्षणमंत्री अमित देशमुख यांनी देखील आग प्रतिबंधक नियमाचे उल्लंघन करणाऱ्या रुग्णालयांचे परवाने रद्द करण्याचा इशारा दिलाय. कोणतेही रुग्णालय सुरू करताना त्यांना अटी-शर्तीवर परवाना दिला जातो. मात्र काही रुग्णालयांकडून त्या अटी-शर्ती नंतर पाळल्या जात नाहीत. अशी रुग्णालये आढळल्यास त्यांचे परवाने रद्द करू, असे अमित देशमुख म्हणाले. राज्याचे मुख्य सचिव सीताराम कुंटे यांनी देखील विरारमधील विजय वल्लभ रुग्णालयाला लागलेल्या आगीनंतर जिल्हा प्रशासनाला निर्देश दिले आहेत. नाशिक आणि विरारमधील रुग्णालयात झालेल्या दुर्घटनांच्या पार्श्वभूमीवर राज्यातील सर्व रुग्णालयांचे फायर ऑडिट तसेच ऑक्सिजनचे ऑडिट करण्याचे निर्देश सीताराम कुंटे यांनी दिलेत. भंडारा जिल्हा रुग्णालयात लागलेल्या आगीमुळे दहा निष्पाप नवजात बालकांचा होरपळून मृत्यू झाला होता. या दु:खद आणि गंभीर घटनेनंतर राज्य सरकारने सर्वच रुग्णालयांना फायर ऑडिट करण्यासंदर्भात निर्देश दिले होते. मात्र त्यानंतरही अनेक रुग्णालयात ढिसाळपणा जाणवत आहे. विरारमधील विजय वल्लभ रुग्णालयाला लागलेल्या आगीत 14 रुग्णांचा जीव गेल्यानंतर पुन्हा एकदा आरोग्यमंत्र्यांनी फायर ऑडिट संदर्भातील रिपोर्ट दहा दिवसात देण्याचे निर्देश दिले आहेत. विरार अग्निकांडानंतर आऱोग्यमंत्र्यानी जाहीर केले. हे आतापर्यंतचे तिसरे फायर ऑडीट असणार आहे. यापूर्वी भंडारा आगीनंतर सरकारने सर्व शासकीय, खासगी रुग्णालयाचे फायर ऑ़डीट केले होते. या ऑडीट दरम्यान मुंबईतील शासकीय, खासगी रुग्णालयाच्या अग्निसुरक्षेची भीषण परिस्थिती चव्हाट्यावर आली होती. मुंबईत रुग्णालयांची आगसुरक्षा रामभरोसे पाहायला मिळत आहे. मुंबईतील 75 टक्के शासकीय रुग्णालये आगीपासून असुरक्षित आल्याचा रिपोर्ट समोर आलेला आहे. 38 रुग्णालयांपैकी 34 रुग्णातील फायर यंत्रणा दोषपुर्ण असल्याचं या रिपोर्ट मध्ये म्हणण्यात आलंय. 27 रुग्णालयाकडे फायर एनओसी नाहीकेवळ 4 रुग्णालये आगीपासून सुरक्षित आहेत.80 खासगी रुग्णालये धोकायदायक मुंबईत 1324 खासगी रुग्णालयापैकी 947 रुग्णालये असुरक्षित आहेत363 रुग्णालयातील अग्निसुरक्षा अर्धवट आल्याच रिपोर्ट मध्ये सांगण्यात आलंयतर 663 रुग्णालयांनी सुरक्षेच्या गुणवत्तेत नापास आल्याच रिपोर्टमध्ये नमूद आहे. भंडारा जिल्ह्यात लाभलेल्या जिल्हा रुग्णालयाच्या आगीनंतर राज्यभरात रुग्णालयांचा ऑडिट करायला सुरुवात झाली. मुंबईतच छोटी-मोठी मिळून एकूण साडे तेराशेच्या आसपास रुग्णालय आहेत. फायर ऑडिट झाल्यानंतर जवळपास साडे सहाशेच्या वर रुग्णालयांना आग प्रतिबंधक उपकरणे दुरुस्त करून घ्यावेत किंवा बदलावी त्यासाठी काही दिवसाचा अवधी देण्यात आला होता. यासोबतच मुंबईत असलेल्या काही अगदी छोट्या रुग्णालयांमध्ये आग प्रतिबंधक उपकरणे नसल्याचे निदर्शनास आले होते. त्या रुग्णालयांना फायर ब्रिगेडकडून उपकरणे दिली जाणार आहेत.