मुंबई - उपमुख्यमंत्री देवेंद्र फडणवीस म्हणाले की, मागच्या महाविकास आघाडी सरकारने विश्वास गमावला होता. राज्यपाल यांनी उद्धव ठाकरे यांना विश्वास दर्शक ठरावाला सामोरे जाण्यास सांगितले होते. त्यानंतर मंत्रिमंडळाची बैठक घेतली गेली व त्याच्यामध्ये औरंगाबादला, संभाजीनगर, उस्मानाबादला, धाराशिव तर नवी मुंबई विमानतळाला दि. बा. पाटील यांचे नाव देण्याचा निर्णय घेण्यात आला. परंतु,ही बैठक बैकायदेशीर होती अस फडणवीस म्हणाले आहेत.( Change of Name To Aurangabad ) दरम्यान, शिवसेना पक्षप्रमुख उद्धव ठाकरे यांनी मातोश्रीचे दरवाजे आता सर्वसामान्य जनतेसाठी खुले केले आहेत. यावर बोलताना देवेंद्र फडणवीस म्हणाले, मातोश्रीचे दरवाजे याआधी उघडले असते तर कदाचित ही वेळ आली नसती असा टोमणा त्यांनी मारला आहे.
मंत्रिमंडळ विस्तार लवकर - अशा पद्धतीची बैठक घेता येत नसल्याकारणाने व त्याचबरोबर या बैठकीत सुद्धा हे निर्णय घेत असताना बहुमत नसल्याकारणाने या बैठकीमध्ये सुद्धा बऱ्याच मंत्र्यांचा या निर्णयाला विरोध होता म्हणून आम्ही हा निर्णय बदलणार नसून आमचं शिंदे सरकार येणाऱ्या कॅबिनेटमध्ये याबाबत निर्णय घेतला जाईल. ( Change Of Name To Osmanabad ) आमची सुद्धा तीच इच्छा आहे, परंतु ज्यांच्याकडे अधिकार नव्हते त्यांनी असा निर्णय घेतला, तो योग्य नव्हता म्हणून हा निर्णय आम्ही नव्याने घेणार असल्याचं उपमुख्यमंत्री देवेंद्र फडवणीस यांनी सांगितल आहे. त्याचबरोबर मंत्रिमंडळ विस्तारही लवकर केला जाणार असल्याचेही त्यांनी सांगितलं आहे.
ज्यांना आरक्षण द्यायचं नाही तेच बोलतात? - ओबीसी आरक्षणावर बोलताना देवेंद्र फडणवीस म्हणाले की, ज्या लोकांना ओबीसी समाजाला राजकीय आरक्षण द्यायचे नाही, ते जाणीवपूर्वक याच्यामध्ये अडथळे निर्माण करत आहेत. बांठीया आयोगाने २७ टक्के आरक्षण देण्याचा निर्णय घेतला आहे. हा अहवाल फक्त राजकीय आरक्षणासाठी असून जाणून-बुजून याच्यामध्ये अडथळे निर्माण आणून सरकारला बदनाम करण्याचे काम करत असल्याचे देवेंद्र फडवणीस यांनी सांगितले आहे.
ज्यांनी फुटकी कवडी दिली नाही, त्यांना बोलायचं अधिकार काय? - शिवसेना पक्षप्रमुख व माजी मुख्यमंत्री उद्धव ठाकरे यांनी मातोश्रीचे दरवाजे आता सर्वसामान्य जनतेसाठी खुले केले आहेत. यावर बोलताना देवेंद्र फडणवीस म्हणाले की, मातोश्रीचे दरवाजे याआधी उघडले असते तर कदाचित ही वेळ आली नसती. मुख्यमंत्री एकनाथ शिंदेच्या नेतृत्वात शिवसेना मजबूत असून ते योग्य ते काम करत आहेत. पेट्रोल व डिझेल वरील वॅटमध्ये फक्त ५ रुपये व ३ रुपयाची कपात केल्यामुळे अजित पवारांनी शिंदे सरकारला टोमणा लगावला आहे. त्यावर बोलताना देवेंद्र फडवणीस म्हणाले की, ज्यांनी फुटकी कवडी लोकांना दिली नाही, त्यांना बोलायचा अधिकार काय आहे? आता आम्ही काही कपात केली आहे व यापुढेही करू, असेही देवेंद्र फडणवीस म्हणाले आहेत.
विरोधात बसायची सवय करावी लागेल? - उपमुख्यमंत्री देवेंद्र फडवणीस यांनी आज मनसे अध्यक्ष राज ठाकरे यांची भेट घेतली. या भेटीविषयी बोलताना देवेंद्र फडणवीस म्हणाले की, महाराष्ट्राची संस्कृती आहे. त्यात एकमेकांशी संबंध ठेवण्यात गैर काय? मी त्यांना भेटणार आहे, हे स्वतः मी विधानसभेमध्ये सांगितले होते. त्यांची तब्येत बरी नव्हती म्हणून मी त्यांना भेटायला जाणार होतो. मी त्यांना भेटलो तर कोणाला मळमळ होण्याचे कारण काय? असा प्रश्नही त्यांनी उपस्थित केला आहे. तसेच, आता काही लोकांना हे सरकार चांगलं काम करत असून ते बघवत नाही. परंतु, आता त्यांना विरोधात बसायची सवय करावी लागेल, असा टोमणा त्यांनी अप्रत्यक्षपणे विरोधकांना लावला आहे.
हेही वाचा - ललित कुमार मोदींसोबतच्या नात्यानंतर सुष्मिता सेनचे बिघडले भावासोबतचे संबंध?
