मुंबई - मुंबईमध्ये पावसाळा सुरु झाल्यापासून दरडी आणि इमारती कोळण्यास सुरुवात झाली आहे. बुधवारी रात्रीपासून मुंबईमध्ये जोरदार पावसाला सुरुवात झाली. गुरुवारीही पावसाचा जोर कायम होता, यंदा दरम्यान मुंबईमध्ये दोन इमारती कोसळल्या. तसेच रात्रीच्या सुमार पेडर रोड येथे दरड कोसळली आहे. यात कोणीही जखमी झाले नसल्याची माहिती पालिका प्रशासनाकडून देण्यात आली आहे. तसेच काल दोन इमारतीचे भागही कोसळले आहेत. ( heavy rain in mumbai ) ( Landslide at pedar road)
दरड कोसळली - मुंबईमध्ये बुधवारी रात्रीपासून पावसाने जोरदार हजेरी लावली आहे. गुरुवारीही मुंबईत जोरदार पाऊस पडत होता. यामुळे सखल भागात पाणी साचले. तर रेलवे वाहतूक ठप्प झाली होती. याच दरम्यान मध्यरात्रीच्या सुमारास पेडर रोड येथील एका इमारतीचे बांधकाम सुरु असताना दरड कोसळली. या दुर्घटनेत कोणीही जखमी झालेले नाही. या दुर्घटना स्थळाला जिऑलॉजिस्ट भेट देणार असल्याची माहिती पालिका प्रशासनाकडून देण्यात आली आहे.
दोन इमारती कोसळल्या - गुरुवारपासून जोरदार पावसादरम्यान काळबादेवी बदाम वाडी येथील ३३९, ३४१ ही म्हाडाची ८० वर्षे जुन्या इमारतीची एक विंग दुपारी २ च्या सुमारास कोसळली. दुरुस्तीसाठी या इमारतीची एक विंग खाली करण्यात आली होती. दुसऱ्या विंगमध्ये ६० ते ७० लोक राहत होते. मात्र पावसादरम्यान इमारतीचा काही भाग कोसळल्यावर जिन्याजवळ हे लोक अडकले होते. त्यांना स्थानिक रहिवाशांनी आणि अग्नीशमन दलाने सुरक्षित बाहेर काढले. तर सायनमध्ये संध्याकाळी ६ च्या गुरुनानक शाळा, हरी मस्जिद जवळील इमारत क्रमांक १५ चा काही भाग कोसळला. ही इमारत रिकामी होती. त्यामुळे कोणीही जखमी झालेले नाही.
पावसाची जोरदार हजेरी - मुंबईत ११ जूनला पावसाने हजेरी लावली. मात्र पावसाच्या सरी पडल्यावर पावसाने पाठ फिरवली होती. काल रात्रीपासून पुन्हा पावसाने जोरदार हजेरी लावली ( Heavy rains hit Mumbai ) आहे. गुरुवारी सकाळी ८ ते आज सकाळी ८ वाजेपर्यंत गेल्या २४ तासात मुंबई शहरात १७९.१३, पूर्व उपनगरात १०९.०६ तर पश्चिम उपनगरात १४०.५८ मिलिमिटर पावसाची नोंद झाली आहे. सतत पडणाऱ्या पावसामुळे मिलन सबवे परिसरात पाणी तुंबले होते. अर्ध्या तासात पाण्याचा निचरा झाल्यानंतर मिलन सबवे वाहतुकीसाठी खुला करण्यात आला अशी माहिती पालिका प्रशासनाकडून सांगण्यात आले.
मुंबईत ५ दिवस मुसळधार - गुजरात व कर्नाटक किनारपट्टीत पावसासाठी अनुकूल वातावरण निर्माण झाले आहे. त्यामुळे मुंबईसह कोकण किनारपट्टी भागात मान्सून सक्रिय झाला आहे. पुढील ५ दिवस कोकण किनारपट्टी भागात मुसळधार पाऊस पडेल, असा अंदाज असल्याचे कुलाबा हवामान विभागाच्या शास्त्रज्ञ सुषमा नायर यांनी सांगितले.
हेही वाचा - Rain In Mumbai: मुळधार पावसाचा फटका, साचलेल्या पाण्यातून मुंबईकरांनी घर गाठले
हेही वाचा - Sanjay Raut ED Case : संजय राऊत ईडी कार्यालयात हजर, काय आहे नेमके प्रकरण?
